近期人氣急升嘅Tyson Yoshi新歌《THAT GUY》日前喺各大電台及音樂平台上架。日前他為新歌MV喺電影院內舉行首播會，當日Tyson以導演身份casual wear現身，所以放棄平時靚仔樣。活動上Fans迫爆場地，更有Fans帶埋玩具槍反射Tyson，好有互動性。
Tyson更為咗圓夢，今次MV中向兒時最愛嘅動畫數碼暴龍、火影忍者、Mario等致敬，好彩Tyson朋友眾多，一眾好友聽完已二話不說落手落腳幫手，碌盡人情卡，Tyson才不致破產，Tyson表示非常感激所有工作人員嘅幫忙，拍攝團隊由《TO MY QUEEN》MV合作到現在，新歌MV由籌備到面世經歷接近4個月。
被問到新歌《THAT GUY》是否好似歌曲《Christy》咁以女朋友為靈感？Tyson就話唔係，反而係要變身救個女主角。他直言其實仲寫好咗三首同女朋友有關嘅歌，不過暫時未諗到幾時派歌，下首歌都唔會以女朋友為題材。
