昨晚播出的《全民造星IV》中，25歲跳舞老師蘇芷晴(So Ching)在長櫈上跳舞以梁釗峰的《佚名》作配樂，表演時已獲導師許廷鏗（Alfred）心心眼大講「I like Her」，更於表演中已撳燈，另外導師梁祖堯亦讚佢有星味，最終以三盞紅燈加入Alfred隊伍。原來So Ching的長櫈舞由男友MO（李啟言）幫手編排，MO在昨晚待So Ching表演後，亦公開原版的長櫈舞片段。
相信「鏡粉」對So Ching的男友阿MO唔陌生，因為阿Mo同Anson Lo識於微時，亦曾經參加過《全民造星1》，該段恐怖拉小提琴比賽片段，造星迷應該好記得，所以最終55強止步。呢兩年，MO亦成為MIRROR的御用Dancer，開Show有佢份，拍MV都預埋佢，隨意一數已經有Anson Lo的《Megahit》、姜濤與肥仔合唱的《特務肥姜2.0》及Lokman與Anson Kong的《虎道門》。
而So Ching身為專業舞蹈員及導師，亦曾為姜濤伴舞《Master Class》及擔任C AllStar演唱會伴舞等，她亦經常在IG分享自己的跳舞片，同肥仔梁業早已認識。
