黎諾懿蘇永康囝囝對燈籠各有喜好 蔡一智一家沙灘賞月

尋日中秋節，好多藝人家庭都有Po慶祝中秋嘅相到社交平台，如蔡一智同老婆周雪芳、15歲大女蔡斐嵐及9歲細仔「細官」去咗沙灘賞月、蘇永康一家三口就喺屋企食月餅，不過蘇太都有帶4歲囝囝Jazz（蘇展弘）落街玩燈籠，着住唐衫嘅Jazz拎住迷你兵小燈籠又幾襯喎，另外，老婆佗住6個月BB，費事周圍去嘅黎諾懿一家三口就喺屋企天台過節，囝囝「小春雞」」（黎峰睿）都有玩燈籠，仲係舊式風琴型可以放蠟燭嘅燈籠添。