曾智華
上一輩人，好多抵死到肉或惡毒的罵人形容，例如：生\u56bf叉燒好過生你，起碼有啖好食；你真係戇居居，廁所當茶居；人蠢冇藥醫，醫返都白癡；趁地淋啦你；咁多人死點解唔見你死\u22ef\u22ef
其中一句最具侮辱性的，為——正人頭豬腦！哈哈，我都領過幾次。
今日諗起呢句，因周一本報新聞版披露，市民自發組隊登山，尋找劉家良師傅骨灰，而佢生前妻子翁靜晶，早早高調聲明不會屈服於盜竊骨灰者勒索，一個仙贖金都唔畀。
正正呢段新聞，小弟直覺就想兜後腦摑個骨灰賊一\u5622，再罵句：正牌人頭豬腦。
第一，偷\u5622犯法，拉到必坐監。若用經濟學理論，橫掂都要坐監，點解唔偷最名貴的物品，走去偷骨灰（只作比喻，絕不鼓勵犯法）？
第二，個賊可能新\u569f，從來唔知翁靜晶係邊個，以及其行事作風有幾硬淨，你好得罪唔得罪得罪佢，必被咬住不放，從此冇好日子過。之外，略略了解佢性格，必知翁小姐嫉惡如仇，豈會與罪犯妥協？
第三，最最最蠢，偷骨灰？好搞唔搞搞先人，以後真係要小心，因唔知劉師傅邊時邊晚\u569f搵你，問你點解要偷佢骨灰？你晚晚熄燈後，會有覺好\u7793咩？
豬頭賊如今弊\u561e，\u63f8住\u5572罪證骨灰，冇人肯畀贖金，反之將被天涯追殺，睇佢點死？
如今個綁（骨灰）匪不斷將勒索贖金降低，意即後悔兼腳軟，唔知點收科。
劉家良師傅生前有俠客作風，喜歡義助別人，今次大回報\u561e，因有市民自發組隊，到寶福山附近開展搜索行動，根據以往經驗，不少匪徒會將賊贓用膠袋封好，然後藏在山上密林之中，自作標記，以便日後起回。
小弟在此睇死個豬頭賊之餘，更祝各位義士成功找回骨灰。
