林盛斌（Bob）、施宇琪、袁文靜、羅子溢、羅天宇等人今日（23日）節目《攻你上大學》記者會時，齊齊以校服look示人，更即場玩問答遊戲，最後羅子溢勝出擊敗「劍橋大學」學霸施宇琪，獲戴四方帽。
爆囝囝廣東話麻麻
雖然羅子溢於現場玩遊戲擊敗「學霸」施宇琪，但他笑言不要對他太大祈望，自己大多在網上吸收知識，比較喜歡睇關於歷史、陰謀論等，又指當年讀書想揀文科，但不少人認為選理科多出路，反而現在他教導子女最緊要選擇自己的興趣科目。談到可想子女將來要讀博士，羅子溢表示女兒曾講過一句說話，令他不開心。他說：「囡囡問係咪爸爸媽媽想佢贏到呢個獎，覺得贏咗爸爸媽媽會錫佢多啲！我驚佢覺得錫佢出於成績，其實呢個觀念唔啱，我都要改進。」羅子溢透露一對子女讀國際學校，明年大女升讀小學，又笑指中文方面由他教導子女，太太楊堯茜則教導綜合科，亦會請來導師以遊戲方式訓練子女語言，不過兒子在的廣東話麻麻。他說：「黎諾懿都叫我唔使擔心啲仔女英文、普通話唔好，反而要擔心廣東話唔標準。」另外，提到愛犬離世，羅子溢坦言好傷心，太太亦不想再養狗，因為要再接受離別，但自己想再養小動物，希望培養子女的責任感，不過有待子女讀小學後有能力照顧先。
袁文靜可愛又搞笑
為該節目擔任主持的Bob，對於跟首次做節目主持的施宇琪和袁文靜拍檔，他坦言兩人有進行步空間，袁文靜每集都要rap，雖然廣東話不純正，但感覺可愛又搞笑，好似當年港姐李綺虹，反而施宇琪則運用學識為大家分析答案，對方亦請配音老師教導發音。他說：「拍攝過程時間長，但好在每集一班嘉賓上來節目搞笑。」施宇琪笑言最開心馬國明參與節目做嘉賓，因為從小睇對方大。袁文靜則大讚何依婷答問題全中，令她最印象深刻。談到施宇琪身為「劍橋大學」學霸擔任節目主持會否覺得有著數？她表示不關乎讀那一間大學，本身很好學，喜歡睇書吸收知識。提到林盛斌在社交網大爆拍檔袁文靜留言口誤爆「有味」笑話。林盛斌搞笑指袁文靜曾表示可以刪除有關留言，但有叫對方下次不好，因為自己無做過。
培訓子女思想正面
另外，提到大女林霏兒（Faye）近日在社交網透露被網民性騷擾，以IG Story反擊為女性發聲。林盛斌讚大女的回應好正面又大方，本身培訓子女從小到大都要思想正面，亦收到不少網民傳來訊息來讚女兒回應好叻，連家人都大讚大女。他笑說：「有日一家人喺屋企食飯時，啲仔女話：『大家姐，好嘢！』。」
