孫慧雪於2016年嫁木材兼夾板批發商「富二代」羅天彥（Edwin Lo），兩人其後育有兩名兒子，一家四口幸福快樂。孫慧雪2023年10月離巢TVB後，專注照顧兩名兒子外，近年積極經營KOL事業。日前，她在社交網大曬8歲大仔Riley演講的片段，淡定表現非常出色，獲網民激讚。
Coffee留言感羨慕
孫慧雪日前帶Riley出席一間教育小朋友科技知識、創意同企業知識教育中心的開幕禮，她表示：「喺呢個講求科創技術嘅年代，好值得帶我哋嘅下一代嚟到呢度學習！Riley喺呢度學習得好開心！亦都進步咗好多。」其後，她再分享短片，見8歲的大仔Riley在70多位家長前演講，全程以一口流利英語進行，表現淡定，相當出色，孫慧雪貼文表示：「Riley當日presentation嘅PowerPoint，所有slide嘅內容都係自己做㗎！都係佢學習嘅真實分享，有人話我肯定逼佢練咗好耐，其實我唔想畀壓力佢，所以佢返到屋企，佢一次都冇練過，我亦都冇提過，係佢嘅老師，畀佢講咗兩次！」
她續指Riley當日太緊張，所以全程一個tone ，並表示：「不過對於唔太出聲同內向嘅佢，可以咁樣做到一個 presentation，媽媽已經覺得好開心啦！」快將是兩孩之母的林芊妤（Coffee ）亦有留言大讚：「好勁！彥彥而家啱啱開始咗，希望佢可以好似你個仔咁勁做到個presentation。」
孫慧雪8歲愛子Riley充滿自信的背影~
孫慧雪2023年10月離巢TVB，專注照顧兩名兒子外，近年積極經營KOL事業
日前，孫慧雪在社交網大曬8歲大仔Riley演講的片段，表現淡定。
孫慧雪日前帶埋Riley現身教育中心開幕禮。
幸福~
孫慧雪8歲大仔演講，晒一口流利英文，淡定表現獲網民激讚。
美滿~
