COLLAR成員Day（許軼），昨日再推出本年度第三首單飛作品《これも愛》（Koremo愛)，今次曲風節奏澎湃，以她擅長的跳唱快歌為主，帶出無論外界有幾多批評聲音也好，都要做好自己、堅守自己信念，用愛感化他人。Day直言對此信念一直堅守不懈，不過入行初，面對外界的「聲音」，她亦曾備受動搖。
Day新歌以「做自己」為題
新歌《これも愛》由Oscar填詞、T-Ma監製，以「做自己」為題，Day表示：「首歌名稱係日文，意思係帶住愛去對待所有事。有啲00後整頓職場概念，因為而家社會，有好多人去批評其他人，但無論啲人點講、點話你都好，只要堅持做自己，同埋堅持自己信念，愛自己，仲要用愛感化埋其他人，咁就會有自信，亦會越來越閃亮。」為配合主題，Day在MV中，以修女造型的設計上陣，喻意用愛感化別人。
今次曲風節奏澎湃，以她擅長的跳唱快歌為主。
帶出無論外界有幾多批評聲音也好，都要做好自己、堅守自己信念，用愛感化他人。
新歌《これも愛》由Oscar填詞、T-Ma監製，以「做自己」為題。
為配合主題，Day在MV中，以修女造型的設計上陣。
Day說新歌有啲00後整頓職場概念，因為而家社會，有好多人去批評其他人。
Day直言好想再拍劇，上次拍劇之後，有一段時間未有新劇拍，好期待。
Day恨再拍劇集
對於歌曲帶出的信念，Day滔滔不絕，不過問到她在入行初，面對外界的批評聲音，可有被動搖？她直認不諱說：「出道時，我都有講過，外界對自己批評，我都可以一笑置之，但對其他人嘅批評，我就會諗『我都識呢個人，佢唔係咁㗎喎，點解會咁話佢呢？』我就會有好大感覺，所以同Oscar傾呢首歌嘅時候，就融入曲中，想拍拍膊頭，同我覺得閃亮嘅所有人講：只要心中有光，知道目標，就會好閃亮、好靚。」
問到Day今年除了單飛出歌，又有劇集出街，她還想嘗試其他領域的工作嗎？她表示：「好想再拍劇，上次拍劇之後，有一段時間未有新劇拍，好期待，拍劇學咗好多嘢，經歷嗰次後，想有多啲不同經驗。」
