港鐵藍田站一條「長命」扶手電梯上，早前發生驚險一幕。有盡責的店舖女職員沿電梯從後窮追，邊行邊大喊「偷嘢」，前方落荒而逃的大叔卻越叫越走，拋下一句「俾返晒舖頭啦」後便長揚而去。
由於途人反應缺缺，如此態度更是觸目，網民不禁感嘆城市的冷漠；不過也有人力挺途人一動不如一靜，因現場暗藏致命危機。詳情見下圖及下文：
店舖女職員窮追大喊偷嘢 大叔港鐵藍田站扶手梯狂奔唔認帳逐張睇↓↓↓↓
樓主：阿叔走得快一定有古怪
樓主本月5日在facebook群組「香港突發事故報料區及討論區」上載短片，留言指「阿叔走得快一定有古怪」。
短片見到一名相信是職員的紅衣女子，在長長的電梯上追趕一名大叔，沿途高喊「偷嘢呀！前面嗰個藍色衫偷嘢」。遠遠拋離的大叔卻越叫越走，逢人過人，最後邊行邊自言自語唔認帳，揚言「俾返晒舖頭啦」，後便長揚而去，消失於鏡頭之下。
有網民認出現場是港鐵藍田站的「長命」扶手電梯，紅衣女子可能是「藍田便利店姨姨」。
相關閱讀：將軍澳商場炒扶手電梯 路人腳軟：同死神擦肩而過 街坊連環爆料：呢排小心呀
網民：嗌到咁都冇人幫手攔截
你追我趕，情況緊急，不過有網民卻留意到現場途人反應缺缺，感嘆無人出手替女職員攔截大叔，指「成件事無人肯出手／出口幫」、「嗌到咁都冇好心人幫手截住佢」、「悲哀，完全冇人諗住截住呀叔」。
但也有網民替途人說好話，稱「可能啲人反應唔切，雖然個呀叔跑得好Ｘ慢」、「偷嘢嚟講，佢都算走得慢喎！」。
相關閱讀：港鐵扶手梯「左企乘客」被公審掀議 打工仔爭5分鐘遲到被阻 躁底呻爆：「可唔可以體諒吓？」
網民：現場暗藏致命危機
有謹慎的網民則有不同看法，贊同途人當時一動不如一靜，因現場暗藏致命危機——
•「喺扶手電梯度捉佢真係有不可預知嘅後果」；
•「始終喺扶手電梯上面，一有人企唔穩、撻落嚟、跌倒、砸親其他人，仲大件事？」；
•「大家都企一個好危險嘅位置（扶手電梯），變咗骨牌可大可少，如果有阿婆仔喺附近就更加大鑊」；
•「前面幾個都係婦孺，好難幫手捉，重點藍田條扶手電梯出名長，佢反抗隨時攬炒碌晒落去打保齡。有片等差佬搞算啦，阿姐都冇謂咁博」。
資料來源：Emily Ho＠facebook群組「香港突發事故報料區及討論區」
相關閱讀：旺角爆扶手電梯大戰險釀人踩人 拖大喼行李男女塞電梯衝突 身後仲有BB車 路人驚呼：喂！行啦！↓↓↓↓
去年底，旺角爆扶手電梯大戰，有大媽拖著大喼行李塞著扶手電梯，與一名大叔衝突，懶理身後有BB車及大批路人，險釀人踩人意外，路人不禁驚呼：「喂！行啦！」目擊網民更表示「我差啲跌死」。↓↓↓↓
