曾智華
醫生，乃一項非常專業而必須事事認真的工作，因嚴重性可能影響生死，所以，現身面對公眾時，若是以醫生身份，多會嚴肅而不苟言笑。
其實呢？其實醫生也是人，脫離角色後，也是普通人一個。
例如醫生當然勸人唔好吸煙、飲酒、多做運動、飲食節制\u22ef\u22ef全部是「阿媽係女人」的政治正確忠告。不過，當然醫生也有吸煙（但不多）；至於飲酒，就我眼見或認識的，超過一半；運動則部分有、部分冇；而飲食，可能平時抑壓太大，不少就用食食食來減壓；至於嚴肅，更大部分並非天生如此，只要在適當場合、適當朋友面前，可以好搞笑。
早前在此講過一位麻醉科醫生M，一日麻醉N咁多人，乜千奇百怪情況都見過。最過癮係佢永遠落藥時請病人數一二三，通常未到三就\u7793著。手術後，慢慢甦醒，個別病人會完全唔知自己曾失去知覺，故此一醒即繼續數四五六七八\u22ef\u22ef
昨晚又與M醫生碰杯，酒過三巡，再講過癮\u5622。
「碌Sir，上周替一位內地大客麻醉，照胃鏡。照完後，慢慢甦醒，我問佢感覺如何，佢大大聲講粗口話——好L（粗口諧音）痛、好L痛！當時有幾位護士在旁，氣氛尷尬。於是我請佢不要在醫院講粗口，點知佢繼續不停講好L痛、好L痛。」
終於醫生醒起佢乃內地人，唔識廣東話，於是請佢慢慢再講。哈，搞清楚後，原來鄉下大叔在猛呻——喉嚨痛、喉嚨痛，可能插喉時整親喉部肌肉\u5569。
M醫生也試過去馬場當值，某次韋達墮馬，成身血而死都唔肯上擔架。M醫生以為佢扮Cool死頂：「你流到周身血啊！」韋達氣定神閒答：「血係馬噴出\u569f\u35ce，冇事\u7793上擔架做乜？」
