有剛上樓的公屋戶，為新居如何慳盡每寸地方間三房感到勁頭痛，在苦無計策下，把列明單位尺寸的平面圖放上facebook群組「公屋討論區」求教網民，結果獲不少好心人出手獻計，其中一人更根據過往經驗教路，透過改造「變出」四房一廳。詳情見下圖及下文：
剛上樓公屋戶為間三房勁頭痛 網民獻計超額完成 咁設計做出四房一廳逐張睇↓↓↓↓
網民圖文並茂獻計
新居位於彩雲二邨的樓主，本月11日以匿名身分上載有廁所、廚房、露台的平面圖發帖，留言指「需要間三房，點樣間會實用唔浪（費）空間呢？俾啲意見，謝謝」。
雖然有人指「個則要間三房真係好難搞…」、「都幾高難度⋯⋯」，建議樓主還是「交俾裝修佬諗，傢俬好多要訂造！」、「設計公司幫到你」。
但也有不少網民替樓主花心思，在平面圖畫上自己的間房方案，其中有人圖文並茂指「做趟門。入面兩間可以做上下格床。Z形兩房。或者6米除3，每間房2米長，可以將床靠牆擺」。其他網民的精心設計見下圖↓↓↓↓
同路人潑冷水：我原先都打算三房
有同路人卻留言潑冷水：「我都煩緊呢個則，雖然係大單位不過感覺仲衰過和階式，係間到三房不過要爆露台牆先攪掂……我原先都打算三房，但都係選擇放棄，間兩房算，唔爆露台牆唔係話間唔到，只係個廳會變咗勁迫，加上小朋友仲細未使咁快自己一間房先，等佢地再大啲先算」。
有過來人則指「你個間格同我媽隔籬屋一樣，最多間到兩房＋大門後放張單人床。呢個L單位好似好大，但間房衰過正方形，間親房都變走廊廳」。
另有人純粹口頭俾意見，表示「上床下梳化」、「上下床鋪，閣樓」」、「門後間兩間孖仔房，一門向窗口，另一房門在大門旁邊位置，向窗間房，加個氣窗」。
相關閱讀：將軍澳大型屋苑迷你工人房 師傅裝碌架床過程大公開 落床一幕震撼眼球
網民：把露台改成房
還有人稱「我見啲人通常露台間多間細房，不過露台容易有滲水，石屎剝落問題！」、「露台可以打直格一間房，大門入來左邊兩間，好容易，我都是」、「露台做一間細房，廳左面做兩間」。
對於把露台改成房，樓主心大心細回應：「樓齡40幾年，擔心容易滲水入露台，所以仲考慮緊到底間唔間陽台位置做房」。
接著有人表示「我見啲人廚房搬去露台」、「我朋友將廚房改為主人房，露台改裝廚房」；還有人自爆經驗，揚言「我做過一間廚房改造房，露台改造廚房， 總數做咗四間房出嚟一個大廳」、「至少可以劏到四間房」。
相關閱讀：沙田屋苑工人房5邊形床 特別設計床褥曝光 適合「Y字形」睡姿 安裝過程完全睇
網民：家訪會唔會俾人叫還原？
另有人好奇「我想問你，你去邊攞平面圖？」，獲樓主回應「拎咗鎖匙主任俾埋㗎」。不過，還是有人冷靜提出不能忽視的想法——「廚房改房很大問題」、「家訪會唔會俾人叫還原？」。
相關閱讀：一家三口住觀塘130呎3房1廳 屋內竟藏豪宅旋轉樓梯 網民：很神奇↓↓↓↓
觀塘一家三口準備入住的房間雖然只有130呎大，但經過悉心設計，打造出三房一廳，屋內竟還藏著一條豪宅式的旋轉樓梯。
抖音網紅「湯姆港房」在一段網上短片中，介紹了觀塘一個極限壓縮，位於地下的「複式」單位，在130平方呎的面積中，不但有三房一廳，還有一廚一廁，更加藏有一條豪宅式設計的旋轉樓梯。納米單位如此五臟俱全，網民見識過後不禁驚嘆「很神奇」↓↓↓↓
