荃灣有小童不慎在商場遭玻璃門夾實手指，維時長逾20分鐘，動彈不得，目擊者表示「小朋友不斷喊，不斷嗌好痛」，其同行父親非常焦急，在現場的舉動惹來網民議論。
荃灣小童玻璃門夾手指20分鐘 焦急父親1舉動惹議 網民：個家長好意思去ＸＸ？↓↓↓↓
有網民在社交平台發相發帖表示，本月6日在荃灣一個商場目睹「有小朋友俾玻璃門夾手指」，樓主實拍現場照片，見到一名小童右手手指夾在兩扇玻璃門的縫隙間，一名商場職員攬著小童在安撫他，而著橫間衫的小童父親則雙手扶實玻璃門，「唔俾度門閂實」，避免玻璃門郁動傷及兒子。
樓主表示：「開始唔知發生乜事，問其他圍觀嘅人」，圍觀者表示，起初商場叫維修人員協助，但仍無法為小童解困，最後「call消防」，樓主說當時小朋友「已經夾咗差唔多廿分鐘」，「小朋友不斷喊，不斷嗌好痛，聽到好心痛」。
樓主認為這些意外，應該「第一時間報警call消防，加上消防局喺對面，唔使十分鐘到」。至於小童的父親，因為非常焦急，「小朋友爸爸急到大聲鬧職員，call咗未，職員也無奈答嚟緊。」
樓主發布的多張照片顯示，其後消防員到場，迅速為小童解困，並送醫院治療。
有網民質疑：夾咗20分鐘 家長唔識報警？！
帖文引發網民熱議，不少網民熱議小童父親未有第一時間報警，反焦急地罵職員的舉動：「個家長好意思去鬧人，自己唔識得報警？……」「係職員夾佢隻手咩？點解要鬧職員？定維修人員夾佢？企20分鐘，自己call都call咗啦……」
「夾咗差唔多20分鐘，個家長都唔打電話報警？！」「其實個老豆一早就要call消防啦，仲要靠人call。」
對於網民奇怪何以小童父親沒有第一時間報警，樓主據現場觀察回應指，該小童父親因為要「扶著門柄」「冇手報警」。
家長網民撐小童父：有小朋友就明 唔係你教就聽
對於有網民質疑事件中家長有無疏忽「睇實」小童，以致釀成意外，有作為父母的網民，以親身經驗坦言不能怪小童父親：「有咗小朋友之後，你會知道任何奇怪受傷的意外都有可能發生。小朋友係好好奇，佢地都會有個人想法，係一個個體，唔係你教咗一次佢哋就聽同記得。」
該網民又表示：「就好似有d壞習慣其實我哋成年人都改唔到。點解要話人地個細路或家長呢？唔通家長故意夾佢？……冇人會想自己小朋友受傷，唯有當係教訓，下次小心d。」
有網民亦認同：「有小朋友就明，小朋友乜都想試，有好多時，明明講咗，佢係要試……我細個都好百厭都做過類似既野，之後賴過嘢就唔再敢！人性。」
來源：angelnaelva＠Threads
同場加映：荃灣街市驚見「同歸於盡」菜價 3斤菜標「這個價」震驚網民：天哪，這物價↓↓↓↓
