58歲陳麗麗高齡生孻女宣布封肚：已滿足黃澤鋒豪花10萬不手軟丨獨家

2025-09-14 16:00:00

58歲超高齡產婦陳麗麗於上月22日半身麻醉剖腹誕下小貴妃，母女平安健康，麗麗超高齡再生產不獨冇傷身，面色反而更加紅潤，坐月期間親自湊B，更可以餵人奶及奶粉，同時又有精力教剛入讀小一的大女小黃妃（黃熙恩）做功課。麗麗形容𠵱家一家四口已相當滿足，無意再追仔。

黃澤鋒及陳麗麗老來得兩女，倍感珍惜及愛護。

6歲小黃妃細心抱住妹妹小貴妃。

58歲高齡產婦陳麗麗半身麻醉開刀分娩，順利誕下二胎。

榮升第2任爸爸的黃澤鋒，見證孻女出世過程忍不住落下淚。

「小貴妃」先與父母合照。

「小貴妃」萌爆。

坐月中的陳麗麗接受《星島頭條》獨家訪問時表示：「我冇擇日同擇時辰，因為產前一個月個胎勁吸收，個肚太大太辛苦，自己已經冇晒氣力，超過37周就要求盡快『卸貨』，醫生同意夠周數就可以生產。孻女重7磅多，小貴妃暫時未改名，因為唔太熟亦唔敢打攪玄學家蘇民峰，我諗會交畀屋企人投票決定，但都會用『熙』字發展。」

「小貴妃」似十足家姐。

「小貴妃」平安來到這個世界。。

「小貴妃」重七磅幾份量十足。

「小黃妃」介紹妹妹叫「小貴妃」。

家姐「小黃妃」錫錫妹妹「小貴妃」。

小女兒「小貴妃」出世啦。

難得天賜的禮物。

兩女爸爸甜到漏。

夫婦二人互相扶持。

爸爸輕輕安撫女兒。

見證住「人生下半場」

陳麗麗超高齡生產反而冇任何棘手問題，麗麗形容今次好似人生下半場：「上次計劃半身麻醉剖腹生產大女小黃妃，豈料因為妊娠毒血症要緊急開刀，要全身麻醉生女。今次生產就好似係一個延續，感受返上次唔知道嘅嘢，親眼聽到BB嘅喊聲，所以推入產房時相當緊張，既驚且喜，由醫護從旁安慰。」

爸爸親手為女兒戴上手帶。

爸爸親手為女兒臍帶。

動人的一刻。

陳麗麗順利誕下女兒「小貴妃」。

黃澤鋒再度榮升做爸爸。

溫馨一幕。

「小黃妃」陪伴左右。

護士為「小貴妃」清潔。

蟲草粉調理恢復快

相隔6年再生B的陳麗麗狀態大勇，中醫建議她食蟲草粉調理身子，故比生第一胎時更快恢復元氣，雖然冇陪月，但之後都打算聘用外傭姐姐照顧，始終「行開行埋」有人幫手睇住個細較好。

萌爆小貴妃。

BB時的小黃妃都好得意。

雖然當年較年輕，但產後變殘。

陳麗麗6年前誕下大女小黃妃時險中風。

在二胎生產過程中，58歲陳麗麗血壓保持平穩。

直斥外人冇權過問

對於好多人送上恭喜及祝福，同樣也有負面聲音，狠批她高齡產女的自私行為累及下一代，陳麗麗直接反斥：「佢哋憑乜身份批評我負累到小朋友呢？所以唔使理會。我再生係因為大女渴求，我只在乎囡囡睇法，而唔係關其他人事。其他人冇權過問，佢哋講到天花龍鳳講乜都得，就算憤世嫉俗都冇問題，即使我發唔發達都唔關佢哋事，我都冇負累到佢哋，我做乜唔使同佢哋交代。」不過，陳麗麗話兩個就夠晒數：「好多網民追問我會唔會再生第3胎？我𠵱家經已好滿足啦。」

陳麗麗保持心情開朗。

ent-陳麗麗懶理負評。

黃澤鋒唔介意為家人付出。

兩公婆好Sweet。

黃澤鋒享受做湊仔公。

小貴妃似足家姐。

「小貴妃」上月22日已經出世。

至於升任第2任爸爸的黃澤鋒補充，今次太太懷孕及生產過程有團隊監察住，實現長胎不長肉，血壓平穩跟20多歲女性一樣，所以可以採用半身麻醉開刀，生產過程一切順利，冇再重演上次因血壓急升突患妊娠毒血症，老婆產後第2日面色更好。他坦言：「上次老婆喺山頂醫院生產，加上產後需送入ICU觀察，天價埋單。哈！不過成世人未住過山頂豪宅，都叫做住過下都值得嘅呀！今次換咗中大醫院5日4夜生仔套餐，唔使10萬，之後仲會請埋外傭姐姐照顧家人，真係一闊三大要更努力搵錢。」但他更強調：「啲錢使落屋企人身上好值得，太太高齡生產，要對老婆要好啲。儘管自己不算大富大貴，但從來冇話過自己係窮。」另外，渴望有妹妹的小黃妃如願以償開心到不得了，返學放學都抱下妹妹。黃澤鋒指小貴妃眼仔碌碌比小黃妃古惑。對於小黃妃考到屯門區內熱門何日東小學被讚叻女，澤鋒表示：「原先派到嘅小學唔係小黃妃心水學校，係佢要求跨區叩門，𠵱家入到佢想讀嘅學校就更加用功。」