有港女在皇崗口岸疑遇到「摸背脊黨」，兩人行事，先藉詞埋身，「走過嚟摸人褲袋，然之後又摸人背脊，唔知有咩企圖」，港女厲詞要兩人「滾開」，兩人竟未有即走，反有激烈舉動。
港女公開離奇過程引起熱議，有網民疑兩人有不軌企圖籲小心，詳情如下：
港女皇崗口岸遇「摸背脊黨」 離奇過程曝光最後咁至甩身 網民疑有這不軌目的籲小心↓↓↓↓
有網民在社交平台發照發帖表示，日前在皇崗口岸遇上兩名男子，兩人走過來「係咁R（𢱑）人搭佢㗎車」，兩人表面似常見的「白牌車」招客，港女初時亦認為「都冇乜問題」。但是，當兩人走埋身時開始有奇怪動作，港女形容兩人「摸人褲袋，然之後又摸人背脊，唔知有咩企圖」。
她對兩人行為大感詫異，即嚴加拒絕，但對方充耳不聞：「已經拒絕咗好多次，同佢講話唔需要，你走開，然之後佢都當耳邊風咁」。
港女叫滾開兩人仍拒走
對方繼續埋身，港女唯有發惡：「再粗魯少少咁同佢講話滾開」，兩人有走開但未有離開，反而威脅她們：「佢就好大聲咁樣講話要過嚟打我哋」，港女未有畏縮，「之後就行返過去，特登喺CCTV面前問佢係咪要過嚟打我哋」，對方此時仍未肯走，竟然「開始怒羞鬧人，又揸拳頭」，最後港女「同佢講報警等公安過嚟處理」，兩人才「急急腳走」。
港女的離奇引起討論，有網民疑有可能是「扒手」藉詞埋身：「……有可能係R人搭車，但係都要小心文雀……問要唔要搭車懶好心幫你攞嘢或者捉人哋手。」
不過，有網民則認為可能只是白牌車招客，手法過份激進而已：「宜家邊個口岸都有呢啲白牌車……為左r生意一啲邊界感都冇。」無論目的為何，網民均籲對於這類人士均要提高警覺「小心啲」。
來源：_fat_tung＠Threads
同場加映：港女皇崗口岸疑遇迷暈黨 三度碰面企到好埋 一除口罩由頭暈到尾↓↓↓↓
有港女在社交平台表示，於皇崗口岸被人搭訕，懷疑因此遇上迷暈黨。
搭訕男子說廣東話，但有內地口音
男子向她「搭訕借WIFI」。
該男子「前後三次碰面，繼續同我講嘢」
「（佢）企到好埋，望你望得好實，眼神接觸，不停問你問題，其他小動作無留意。」
她強調該男子「不停問你嘢」
由於她有戴口罩，沒有留意現場有無味道，但她「覺唔對路調到走」。
在上車時有少少暈眩，一上車除口罩，即「由頭暈到尾，差啲倒地」
她表示，如果當時不是戴了口罩，和有點警覺調頭走，「差啲暈咗喺關口」，「應該畀人攬咗上車。」
她因此提醒網民採兩招自保：一、要戴口罩，二、「唔好理人/被搭訕/借嘢」。
有網民替事主捏一把汗：「嗰度夜晚冇咩人，你走甩算好彩。」
女事主回覆時亦認同今次很好彩：「真係，我諗返轉頭真驚唔係講笑，唔係話冷漠，喺大陸乜人都唔好理係真。」
有網民亦表示遇過相同情況：「我都試過一次，即刻要坐底休息咗半日先行到。」
有網民指出，借Wi-Fi可能是新型騙局
「借wifi有呢招好耐，不過大陸係有人話啲數據用曬，問你借數據充值，佢連咗你個data之後，唔知點解佢會睇到你手機所有資料，包括支付寶、微信錢包，然後佢就會用你啲錢。」
有網民則提出質疑：「如果係要迷暈，點解要搵個戴口罩落手？」
女事主則回覆：「唔知，我淨知我差啲暈咗喺關口，完。」
