麥家琪自揭用醫美微調「保本」：最緊要靚 半百女神索爆回歸拍劇丨獨家

「一代性感女神」麥家琪息影多年，近日驚喜回歸香港熒幕，在本周首播的HOY TV新劇《我愛九龍城》中飾演岑麗香媽媽，由年輕演到老，演技與狀態依然在線。50歲的她大方分享保養秘訣，自爆都有用醫美微調維持美貌，直言「最緊要係靚」，而且做人要豁達開心，從不會後悔做過的事。採訪：方騫平 攝影：孔子

「一代性感女神」麥家琪驚喜回歸香港熒幕。

「入五」麥家琪依然咁索。

50歲的麥家琪大方分享保養秘訣。

麥家琪自爆用醫美微調「保本」。

麥家琪話自己唔知乜叫戲癮。

麥家琪闊別香港熒幕近7年後再度回歸。

演技與狀態依然在線。

麥家琪為HOY TV新劇《我愛九龍城》演出。

劇情指有賭癮的麥家琪帶埋年幼女兒入麻雀館，遇上街坊許紹雄。

 麥家琪聯同「黑妹姐」李麗霞、「古佬」古明華、黎彼得、許紹雄等演員，早前在深水埗麻雀館為新劇《我愛九龍城》拍攝打牌戲份，劇情指好賭成癮的麥家琪攜同年幼女兒入內，遇到街坊就打幾圈。這是她闊別香港熒幕近7年後再度回歸，由於飾演一個因沉迷賭博而忽略女兒、最終晚景淒涼的母親。為增強說服力，她特意花費四小時化老妝，單是膠水就塗了六層。她坦言這次演出極具發揮空間：「我都好耐冇喺香港拍劇，之前都有做過媽媽角色，但隨著人生閱歷唔同咗，拍劇感覺有別。𠵱家作為人母再演媽咪角色，唔使憑空想像，腦海中自然會呈現好多嘢，感覺戲如人生一樣。」對於復出拍劇，她表示抱持順其自然態度：「近年拍過內地劇，有人搵會考慮拍，係啲人以為我結婚生仔後息影啫。」

麥家琪特意花費四小時化老妝。

化得相當認真。

化老妝為增強說服力。

HOY TV新劇《我愛九龍城》中飾演晚景悽慘媽媽。

單是膠水就塗了六層。

化上老妝輪廓依然好靚。

麥家琪化上老妝演媽媽。

分享凍齡小秘訣
麥家琪狀態極佳，獲網民大讚「依然咁索」。她坦言花了大量時間和金錢保養：「我除咗投資落小朋友身上，都要投資自己保本嘛！所以一直會做Facial，細個僅用啲優質護膚品就得，𠵱家做埋醫美療程，微調都冇乜所謂啦，最緊要靚。至於身材保養方面，咪做下運動囉。」除了外在保養，她認為心態調整同樣重要：「樣樣睇開啲，平衡啲咪得囉。做人做到咁嘅年紀，有家庭、小朋友及事業，同仔女關係幾好，老公又冇離開你，仲可以做下嘢有少少私己錢就開心啦，仲想點呀？」但她強調自己已無野心：「如果我有野心早年已紅咗啦。」

21年前麥家琪、陳煒性感宣傳《亞視台慶新勢力》。

2005年麥家琪、陳展鵬為亞視綜藝節目《醫食住行七點鐘》之《大遊俠》演出。

24年前麥家琪、舒淇、吳君如拍電影《絕色神偷》。

麥家琪、韓君婷、黃泆潼、2R組合拍過電影《精裝追女仔2004》。

最近麥家琪開設抖音與粉絲互動，更到廣東鄉村體驗農家生活。

麥家琪赤腳落田。

50歲的麥家琪反而拋開包袱。

麥家琪脫胎換骨。

關係親密卻獨立
麥家琪與律師老公王國豪育有兩子一女，家庭生活幸福美滿。她笑言不確定家人是否支持她拍戲：「我啲仔女唔係好關注，律師老公好忙；個女知我去拍戲開心回應話『好嘢』，因為冇人管束住佢。」她透露一家五口關係親密卻獨立：「我哋約定一齊努力儲蓄，他朝買同層四個相連單位，最好大家喺走廊共用空間食完飯，之後就各自返回入屋！」作為開明媽媽，她從不壓迫子女讀書：「經驗之談不應壓迫子女讀書。」 

06年麥家琪下嫁律師老公王國豪後息影多年。

育有兩子一女的麥家琪過住少奶奶生活。

回首往事無後悔
回首過往的演藝生涯經歷，麥家琪表示沒有後悔：「可以回到當初嘅話，寧願讀多幾年書先出嚟做嘢，讀書有助訓練個人耐性，唔會咁急躁。如果能思考過才做每件事，結果會唔一樣。不過，唔會冇後悔做過啲乜。」她坦言自己性格衝動，心直口快常造成無心之失：「變咗畀人誤會好『寸』影響個人磁場，呢方面經歷會成為教材提點小朋友。」

1993年麥家琪(左二)以17歲的學生身份參加港姐成為大熱門。

可惜五甲不入。

麥家琪係性感女神。

及後過檔亞視為《亞洲先生》菲律賓拍外景。

做過亞視年曆女星。

麥家琪參選港姐後曾捲入裸照風波。

麥家琪被兒子要求不要再作裸露演出。

麥家琪曾拍過多部三級片。

2001年袁詠儀、麥家琪齊拍劇集《祖先開眼》。

麥家琪最近在內地拍網絡電影《牡丹令》。

麥家琪現時已是幸福人妻。

少年黑妹曾好賭
另外，同劇演員黑妹姐在劇中飾演好賭泰婆，她憶述現實中曾有一段爛賭時期：「當年同朱咪咪唱完酒廊後，未換戰衣、未卸妝就衝去雀會開枱，打到眼線花晒，似足『鴉烏婆』咁行返出嚟。」「古佬」笑指黑妹姐年輕時十分貪玩：「啲少女唔係玩仔就玩麻雀㗎啦，係呢兩方面發展！」黑妹姐坦承：「以前唱酒廊嗰班都好爛…玩啫，已成過去啦。」她更自嘲：「但好多人鍾意同我打麻雀，因為有我墊底，佢哋會輸少啲。」問到最多一次輸多少？她笑而不答，但強調不會超過六位數。

黑妹姐、古明華、黎彼得捱眼瞓拍麻將館夜戲。

劇中麥家琪和黑妹及黎彼得打到天昏地暗。

黑妹姐、古明華、黎彼得、許紹雄合作拍HOY TV新劇《我愛九龍城》。

古明華取笑黑妹姐爛賭往事。