網絡瘋傳有上環兩餸飯店「0元」頂讓，該店已有食物製造廠牌，位處上環蘇杭街鄰近不少商業大廈，坐擁不少打工仔客源，標明「免頂手費」「0$頂手費」掀起網民關注熱議。
《星島頭條》記者向該店代理查詢，揭開所謂「0元頂讓」的真相，詳情如下：
上環兩餸飯店「0元」頂讓！免費送掀熱議 記者查詢揭真相↓↓↓↓
有物業顧問日前在「香港創業商機生意轉讓」FB專頁發帖標明「上環兩餸飯(0$頂手費)」，帖文顯示該店「約650呎地舖 + 約500呎入則閣樓，租$77,000」，「（有）食物製造廠牌，免頂手費。」
帖文掀起大批網民關注熱議，不少網民認為「好嘢點會益人」，「呢個位都做唔惦，真係GG了」，有街坊更指：「呢間（兩餸飯）日日lunch排哂隊都要收皮」、「呢度都做唔住唔會吧」、「難怪周圍都咁多空鋪」。
有人認為「兩餸飯本來就好薄利要走人流，一個區存在唔到好多間」。
網民：叫業主自己頂來做
該兩餸飯店雖「免頂手費」「0$頂手費」，但租金一個月$7萬7千元，代理發布的兩餸飯店相片見到佔家賣$30一盒兩餸飯，部分網民初步估計營業額很難「維皮」：「乜都唔計，30蚊盒飯，(每月)要賣2566盒飯，點做？」「要做300至400盒飯一天，好似做不到。半租，都不太行，人工都出不起。」
「租金$77000，假如加三個人$60000，水電$10000，基本固定都15萬(元)，星期六、日沒什麼人流，每日都要$7-8000，做幾多先夠？」「一個月要做30萬（元）到啦。」
有網民幽默地表示：「叫業主自己頂來做，佢又唔使交租。」
《星島頭條》記者以顧客身份向該舖位物業顧問查詢「免頂手費」「0$頂手費」的原因，回覆的葉先生表示，免頂手費是因為該兩餸飯店租客目前已無營業，他強調並非「生意唔好無做」，而是因為股權等問題而沒再營業，「依家已經無營業走咗，生財工具，裝修無拆留返晒係到，個(食物製造廠)牌係業主所以唔使頂手費，業主租個舖畀你，畀埋呢啲嘢畀你，畀個新租客用。」
他表示，該店丟空約一至兩個月，店內「器材理論上係用得，因為之前都做緊，但係啲嘢係咪全部啱用，每個客要求都唔同，可能有啲爐具要換，呢啲嘢要現場睇」，他表示，可安排約睇舖供租客自行判斷。
他又謂，該舖月租$77,000元，租客須向業主付3個月按金（$231,000元）加1個月上期（$77,000元），另付物業顧問半個月佣金（$38,500）。租客同時須付每季$7,485元差餉。
同場加映：各區「超筍兩餸飯店」大合集 招牌餸逐樣睇 估你唔到咁都有：↓↓↓↓
