曾智華
馬季開鑼，馬經版開始熱鬧，馬會宣傳一浪接一浪，騎師、練馬師紛紛亮相，當然，馬會高層也如是。
大家可有發覺，兩位亮相最多的高層應家柏及譚志源，越來越有「福相」，肥嘟嘟呢？
這個真是理所當然，因馬會2024/2025年財政年度業績大豐收（與香港整體經濟相反），博彩及獎券總投注額上升五巴仙至3203億元，馬會的收入總額493億元。
大家可知，馬會管理層的薪酬及花紅，絕對與收入有關呢？所以，收入升，即高層就變得更肥仔，可能這正反映在身形上呢，哈哈！
有一個數字，小弟特別高興見到上升的，正是馬會「貢獻社會」（稅收及慈善捐款）的金額，達391億元。點解高興？因我有份「踴躍捐輸」囉。每個賽馬日，每場賽事，小弟定必下注。雖然少少\u54cb一百幾十元，但日子有功，聚沙成塔\u35ce！自己照鏡，也覺越來越有福相啊。
馬會今年有項宣布，令人眼前一亮，也有點會心微笑，正是行政總裁應家柏透露：預留一百億元用作推動馬會的內地業務及發展項目，以支持「全國馬產業發展規劃」列出的國策。
各位，究竟乜係「馬會內地業務」及「發展項目」呢？國策的內容又係乜呢？
大家如今見到的，只是從化有馬房，有練馬，咁其他發展係乜呢？一百億元又點用呢？小弟作為持份者，非常想清清楚楚知道。
「內地跑馬」這個「樓梯響」已延續好一段日子，發展將如何？以國家在其他領域展現的「中國速度」，頗多舉世震驚，咁去到「全國馬業發展」這方面又如何，有乜藍圖，有乜考慮\u22ef\u22ef大家充滿期待，也充滿疑團。喂，新主席廖長江及行政總裁應家柏，幾時有料曝光呀？
