觀塘4名少男少女本月24日晚上，被車Cam（行車記錄儀）拍攝到鬼祟出沒，當中有人沿行人路懷疑隨機拉車門。事件引起網民關注，有荃灣街坊表示，區內也疑似同告淪陷，有車場管理員對駕駛人士作出一特別呼籲。詳情見下圖及下文：
觀塘4少男少女沿路鬼祟狂拉車門逐張睇↓↓↓↓
樓主：逐架車開吓門
樓主本月26日在facebook群組「車cam L（香港群組）」上載車Cam短片和相片發帖，留言指「逐架車開吓門，唔知咩事」。有網民認得現場可能是「安秀道」，有人追問「安泰邨嗰邊？」、「係咪安達足球場嗰度？」、「安達邨？」。
車Cam短片顯示的拍攝時間為本月24日（周日）晚上9時16分左右，見到一男三女打扮休閒的青少年入鏡，當中孭斜孭袋的少年沿路懷疑拉動泊於路旁車輛的車門，4人不時回頭四處張望，動靜有點鬼祟；到短片尾段，其中一名少女也出手疑似拉車門。
相關閱讀：粉嶺當街疑土法偷單車 車主撞正追住狂鬧1分鐘 大叔竟講出4個字自我解脫
網民提高警覺疑意圖不軌
回應的網民即時提高警覺，有人形容他們為「童黨」，認為事情「值得關注，意圖不軌」。有人則大膽估計，指他們「好明顯想睇吓邊架車無鎖啦，之後就自己諗」，網民於是接龍作出多項猜測：
•開盲盒；
•抽緊獎；
•想偷嘢；
•爆格囉；
•博無鎖門；
•擺明想老爆～；
•博有人無鎖門；
•梗係想撻嘢啦；
•睇吓有無嘢偷？；
•睇下啲車有無漏低值錢嘢；
•刑事，不可放生，企圖盜竊。
相關閱讀：灣仔路旁疑偷電單車外賣 綠衣男來回兩次最後咁樣出手 天眼直擊部署實況
網民：手多多貪過癮
不少網民因而建議報警處理；但有往好處去看的網民則指，可能是「靚仔貪玩」、「手多多，貪過癮」。另有人笑言「一定係搵緊老豆架車啦」、「可能想幫手睇吓啲車主有無鎖緊門」、「幫佢鎖返」、「呢啲後生真係唔話得嘅，擔心車主忘記鎖車，幫佢哋逐架check（檢查）吓。抵讚呀！」。
荃灣街坊：管理員提醒鎖好車門
有網民則留言稱「我住荃灣，今日出車嗰時啲管理員都提我一定要鎖好門，最近勁多呢啲Ｘ街想偷嘢，早幾個月早我隔籬部車就中咗招」，並提醒「其實佢哋都係晚上出沒多，任何地方都要小心，尤其係少Cam啲位置」。
還有人表示「（銅鑼灣）鵝頸橋底都有條友，通常半夜就出現」、「我認得呢4條友琴晚喺第二個group（群組）出現油麻地通街問人攞錢搭車，而家又到第二個區開人車門搵食！」。
資料來源：Kelvin Li＠facebook
相關閱讀：牛池灣駝背阿伯凌晨潛街市偷菜 慢條斯理神還原包裝 檔主慨嘆：神不知鬼不覺！↓↓↓↓
有駝背阿伯5月11日凌晨潛入牛池灣街市偷竊放在菜檔門前的蔬菜，他熟手地拆開紙箱，偷走數顆菜後，慢條斯理地神還原包裝，令檔主看後亦不禁慨嘆：「神不知鬼不覺！」。該駝背阿伯偷竊過程被檔主離遠拍到，檔主形容他「完全係唔驚，慢慢偷」，過程如下↓↓↓↓
