一連三晚「龍婷旅程 Story 音樂會」圓滿完成，尾場（20日）座無虛席，龍婷在完成第一部分的歌曲後表示：「第一晚未夠放鬆，第二晚揮灑自如，第三晚非常唔捨得，有好多感觸嘅說話要講。」
龍婷靠勇氣成就夢想
她回顧多年來的音樂路，由當年在西洋菜街做街頭表演，後來在九展開了人生第一場演唱會，笑言如今回看都不知當時為何有如此勇氣？之後不斷進步，更去過央視比賽、上過春晚舞台、奪得星光大道冠軍，疫情期間又做過直播，直到2022年11月，有朋友問她有否興趣到戲曲中心演出，當時已兩年沒做街頭表演的龍婷，鼓起勇氣接受挑戰，她坦言：「依家呢個世界有好多嘢可以吸引大家注意力，分分鐘係今日睇我直播，聽日就唔睇，但我好難抗拒呢個可以喺舞台上唱歌嘅機會，仲係一個咁靚嘅場地，我就同我朋友講我做，跟住我就周圍去做宣傳，周圍去做直播，我會喺電車上面開直播，喺天星小輪又開直播，去到文化中心門口都開直播，希望大家可以關注我，希望關注我嘅朋友唔單只係睇我做直播，亦都會買飛去到現場支持我，後來我喺大家嘅努力之下又做到。之後就去咗參加《中年好聲音》，去咗文化中心同管弦樂團開演唱會，又喺年尾做咗兩次麥花臣，喺呢度要多謝主辦單位星星娛樂俾機會我，同埋有睇過呢幾場演唱會嘅朋友，多謝你哋嘅支持我先可以行到嚟依家！」
蕭煌奇擔任歌曲製作人
龍婷在演唱會中也特別首唱從未曝光、由金曲獎得主蕭煌奇特別寫給她的新歌《在來的路上》，她表示早前到台北錄製這首新歌，蕭煌奇老師更擔任歌曲製作人，很感恩在蕭煌奇的指導下學到很多。在獻唱全晚演唱會最後一首歌《好歌獻給你》前，龍婷表示希望可以把今次音樂會帶到大灣區不同的地方，讓大家可以認識自己。
