曾智華
我每天都花大量時間，博覽全港報章和上網聽「有料到」的KOL，分析國際政治、時事與經濟。
必須強調「有料到」！因為網上的所謂KOL多如天上繁星，\u510d強都可以話自己係KOL，終於搞到呢個形容Cheap爆玻璃。
所以，幾年前不少有分量的分析者已堅拒被封KOL，一如N年前小弟已話畀所有人知，不要稱我做DJ，我是電台節目主持人！點解會咁？因有一段時間，DJ一如「公關」兩字，被全港矇查查者超級濫用，結果連色情場所都充斥大量DJ與公關！
講返網上分析員，良莠不齊，大量「無料扮四條」（唔歡迎對號入座）者日日自High，幸而久不久也會出現超班馬。
其中一個是國際頂級政治哲學家馬凱碩（Kishore Mahbubani），著名外交家，新加坡印度人，乃新加坡國父李光耀最引以為傲的愛將，曾經出任聯合國安全理事會主席。
這位智者是很多知識分子及頂級大學學生的偶像，現年76歲，退休後周遊列國演講，主要分析世界大形勢，次次一針見血，溫溫文文就點出問題癥結。
佢所有論壇我都在網上翻看，但不常出招，等呀等，終於等到有新片了。
今次公開演說的主題：在一個被壞消息淹沒的世界\u88cf，我想說服你，世界其實正在變得更好。
定講題是藝術，如今處處打到飛起，以色列在冷血殘殺巴人，俄烏在打個你死我活，特朗普以關稅玩殘世界，咁情況，你仲話好？
各位睇啦，咁你就知佢講乜\u561e。睇佢演講，可同時學英文，今次主要解釋若美國沉淪，是正受一個字所累——Plutocracy。點解？又係，你睇佢點解釋啦！
