有網民公審一名婆婆搭過海隧巴，只坐一個站便下車，不滿「納稅人每日貼$25/次」，並公開呼籲：「請問有冇人識佢屋企人，教下佢唔好每日長車短搭？」公審帖引發熱議，不少網民反撐婆婆並揭當中懷疑有心酸原因。
婆婆搭過海隧巴只坐1個站遭公審 網民揭疑有心酸原因：你想個老人家點樣？↓↓↓↓
有網民在社交平台發相發片表示，目睹一名婆婆坐「968元朗西（過海隧巴），$2坐1個站，同樂街落車，全程$27，納稅人每日貼$25/次，請問有冇人識佢屋企人，教下佢唔好每日長車短搭？」現場照片及影片拍到該名坐近巴士門的婆婆，攜帶一部買餸車在到站時下車的情況。
帖文引發熱烈迴響，有巴士車長留言表示：「揸咗兩年968，可以話畀你知每一日都有，但冇辦法出聲。」有巴士車長表示其他路線亦一樣：「我揸307都係咁，隔離74X幾分鐘一班車唔搭，就係要等廿分鐘坐307，一個站去安祥路落車。」
巴士車長：每一日都有 網民：要有同理心
有網民不滿婆婆長車短搭：「應該規定唔過海冇$2！！」「見過因為揀新車坐，所以坐968，搭一個站。」「老人八達通不如直接改三折算，佢哋自己會識計。」
不過，更多網民表示體諒婆婆長車短搭，並呼籲網民要有同理心：「其實好多老人家行少少路都真係會攰，或者身體有事你地唔知……我loop咗條片好多次，片中老人家都唔係話健步如飛，都要就住就住嚟行，又拎住㗎車仔，分分鐘㗎車仔，其實佢都係用嚟做佢枝拐杖……」
「好多老人家都有膝頭退化、腳痛等問題，行唔到。」
「咁你想個老人家點樣？企係條街到等多10幾20分鐘，等㗎平啲車費先上？……如果圖片中喺你嘅父母，你會唔會畀佢企係條街度等多20分鐘？……」
有網民又指樓主計錯數，由於長者有半價優惠，納稅人補貼額不須25元：「其實係補貼$11.5(用半價車費計)。」
網民質疑樓主資料有誤
雖然樓主聲稱婆婆搭乘元朗過海隧巴，並在元朗同樂街下車，但公審帖的照片，卻看到巴士報站屏顯示當時在銅鑼灣「怡和街」，有網民質疑樓主帖文資料有誤：「相係銅鑼灣，車頭方向係SOGO…唔係好明搭一個站同樂街(元朗)落車，係咪搞錯咗行車方向。」「……怡和街同樂街都唔識分，同樂街有948既站？……」
政府在今年《財政預算案》調整長者兩元乘車優惠，車費超過10元付兩折車費，涵蓋65歲以上長者。「兩元兩折」方案可於明年(2026年)4月推行，即較原先估計提早大約5個月，可額外節省2.6億元。
來源：honey.202511＠Threads
同場加映：2元乘車優惠︱「兩蚊兩折」正價定半價計？長者「半價」再兩折？答案揭盅計法係咁：↓↓↓↓
