今年首個黑色暴雨突然來襲，多區湧現大水浸情況，由於正值返工時間不少打工仔直擊狼狽情況，當中鰂魚涌港鐵站出口竟因水浸變成「碼頭」，出現千人被困「望洋興嘆」的壯觀場面。
黑雨返工！鰂魚涌港鐵站變碼頭千人被困「望洋興嘆」 打工仔直擊：賤過地底泥！↓↓↓↓
今早（29日）黑色暴雨警告懸掛約兩小時，正值上班時間，不少打工仔被黑雨殺個正著，網絡熱傳照片，鰂魚涌港鐵站A出口出現大水浸，雨水淹至樓梯級，驟眼看去一片汪洋如同碼頭，逾千名市民無法離開，被困站口「望洋興嘆」。
壯觀畫面觸發網民無限想像：「過洪海！」「真過海！」「係鰂魚沖呀！」「係鰂魚浸呀！」「上戰場咁！」「返個工都要識鐵人三項！」
直擊！各區黑雨大水浸畫面震撼：↓↓↓↓
不少打工仔發帖直擊返工狼狽慘況，有在柴灣上班的網民雖有備而來，穿著拖鞋返工，但實拍片中，見現場道路已浸至小腿位置，而且水流湧急，他和其他路人返工心切，不惜與激流對抗而行，每步都激起不少浪花。
打工仔：要咁樣返工 真係賤過地底泥！
樓主無奈說：「覺得自己要咁樣返工，真係賤過地底泥！」
其他港島返工網民亦紛紛分享上班實況，他們均走在如同河流的道路上，一步一步小心翼翼行走，有自稱「港島人」的網民不忘自嘲地留言說：「落雨水浸都無阻我返工嘅決心（已游水返工），返晒工先掛（黑雨警告）。」
感同身受的網民留言苦中作樂：「睇嚟係同路人。」「好彩你著拖如唔係就…」「記得用風機吹番乾隻腳仔，如果唔係凍親。」「洗街水洗腳。」「換番套泳衣先出門返工。」「抱抱，沒事，大家一齊。」
港鐵：因應今早暴雨 各車站採相應防洪及疏導人流措施
港鐵發言人回覆《星島頭條》表示，因應今早的暴雨，港鐵各車站視乎情況，採取相應的防洪及疏導人流措施。
發言人指，鰂魚涌站方面，亦已預先調配人手，於上班繁忙時段在車站指引乘客及維持車站秩序。在今早約 9 時，該站 A 出入口外的路面曾出現水浸，部份乘客停留在該出入口，期間職員指示乘客使用附近的B出入口進出車站，客流大致暢順，積水在數分鐘後退去，乘客之後可如常使用A 出入口。
來源：Threads＠wtfhahameme、sintingggg_、ngojigei、erikochu
