黑雨生效！天文台今早（29日）分別在8時05分及8時40分先後發出黃色及紅色暴雨警告信號，再於30分鐘後，於9時10分發出今年首個黑色暴雨警告信號。不過，由於發黑雨的時間尷尬，不少打工仔在紅黃雨期間已成「落湯雞」，回到公司後天文台才發黑雨。因此，大量網民及打工仔紛紛湧到天文台FB帖文下留言炮轟，有打工仔直斥「返晒工先掛黑雨」、「有遮都全身濕晒！」
打工仔：啱啱落狗屎咁 返到公司同我講黑雨？
有網民指「好準時喎，唔過9點唔掛」，又指「我已經淋濕曬」。有打工仔表示，「啱啱返工落到狗屎咁，有遮都全身濕哂，返到公司同我講黑雨？如果黑雨有危險咁遲先警告，人都已經瓜咗，咩叫預警知唔知？」
網民質疑點解今次唔「超前部署」？
更有網民質疑，為何政府今次不如7月10日至11日般作「超前部署」，提早發黑雨，表示「上次就超前部署，今次就超遲部署」、「超前部署嗰班人又消失咗，改名叫忽然部署喇」。
吳艷玲攝
吳艷玲攝
吳艷玲攝
吳艷玲攝
有網民質疑天文台只為港島區工作
亦有打工仔表示「一早就應該發啦，返到公司附近水浸到過河咁， 你可以再遲啲發」、「成朝咁大雨得個黃雨，濕漉漉番到公司就即刻掛黑雨 」。不少人質疑「港島落嘅雨先叫雨」、反問「天文台係為港島區工作？」
相關新聞：黑雨港島成災大西北無雨？網民質疑天文台「只服務港島」梁榮武：若干雨量站達標即發黑雨
天文台FB截圖
天文台FB截圖
天文台FB截圖
天文台FB截圖
天文台FB截圖
天文台FB截圖
天文台FB截圖
