到主題樂園玩遊戲，有遊人卻因為被打尖而掃興。有港女日前在網上大呻，指在迪士尼樂園排隊時遭兩名小童打尖，而且對方又不聽勸告，於是在「激鬼氣」下出動神器，阻擋從後超前。網民見到這件貼身物品後恍然大悟，表示「學到嘢」並大讚「做得太好」。詳情見下圖及下文：
迪士尼排隊兩童打尖唔聽勸 港女一貼身物品變阻擋神器逐張睇↓↓↓↓
樓主：激鬼氣
樓主早前在社交平台Threads以「迪士尼樂園」為題發帖，講述使出防打尖神器由來——「同朋友排緊灰熊山谷，喺我哋傾計嘅時候，冇注意到後面兩個小朋友打尖排咗喺我哋前面。我朋友同佢哋講『我哋先㗎』，佢哋冇理。後來有機會爬返佢哋頭，佢哋就挨喺我哋旁邊嘅欄杆，又想打尖，激鬼氣我攞把遮擋住佢哋（如圖），唔俾佢哋超前」。
縮骨遮遮柄作臨時欄杆
對於樓主伸出縮骨遮的遮柄作臨時欄杆，網民對做法均大表讚賞，指「學到嘢」、「做得好」、「做得太好」、「做法正確」，並認為「細個唔係大晒」、「做得啱，唔好以為自己細就大晒」。
相關閱讀：港女飲茶公審熟客唔拎飛打尖 反招網民圍插：酒樓潛規則都唔識？
打尖友多數以搵人作藉口
另有不少網民有感而發，自爆排隊玩遊戲時被打尖的不快經歷，當中原來不少打尖友，都以「搵咩朋友阿爸阿媽阿仔」作藉口：
•噚日先喺Elsa船仔度鬧完人哋阿媽，又係話啲小朋友去咗廁所，要攝返上去搵老豆；
•你咪講我上次去迪士尼灰熊山谷就俾人打尖咗10次，次次都話搵咩朋友阿爸阿媽阿仔；
•我試過俾兩個細路扮搵屋企人係咁向前攝，佢ＸＸ攝攝吓就變咗排頭位，佢口中嘅屋企人根本冇出現過；
•我都遇過，仲要係扮搵家長，然後我見佢喺前面特登攝入隊，但係啲人又唔理。仲有，有啲人會叫朋友或者屋企人排住隊先，差唔多排到嘅時候就埋去，咁同插隊有咩分別啊，同樣乞人憎囉⋯⋯；
•試過一次，排咗半個鐘，一個搵仔一個搵朋友一個搵老婆，逐個打尖喺我前面，就到我嗰時同職員講佢哋成家打尖。佢哋扮傻話有排仲鬧返我轉頭，好彩前後都有人出聲，職員叫佢重新排。我玩完出到去見到要排兩個鐘。
事件還有彩蛋……
事件還有彩蛋。樓主及後在回應欄爆出另一單在場內被打尖的事件——「今日同兩位朋友排彈弓狗，排到轉角位。我哋準備向前行嘅時候，後面突然有個大陸大媽，喺轉角位衝去我朋友前面打尖。我哋即時叫佢走返去，佢話我哋唔行前，佢咪行前囉。(我：？？？？)。後尾知道佢係想連續打兩個尖，我哋3個&我哋後面兩個女仔」。
資料來源：tiffanykikichan＠Threads
相關閱讀：隊尾衝前打尖爭上巴士 馬尾女揚言「排第一」惹公憤 正義港女咁樣出手制止↓↓↓↓
人人守規矩排隊等巴士，遇上「打尖黨」時特別令人氣憤。一名乘搭往來屯門至銅鑼灣長途巴士、揚言自己「排第一」的紮馬尾女子，早前便因為從隊尾衝前企圖打尖上車，惹起排隊隊伍的公憤，更被一名正義的港女以這方法出手制止。詳情見下圖及下文：
隊尾衝前打尖爭上巴士 馬尾女揚言「排第一」惹公憤逐張睇↓↓↓↓
