林奕匡（Phil）在網上節目每集邀請不同嘉賓遊車河，第一季邀請到Gin Lee、Jay Fung等歌手朋友「傾吓偈、唱吓歌」；在剛推出的第二季首集中，更邀請到偶像容祖兒（Joey）作嘉賓，二人「雞啄唔斷」，甚至談到相機電池耗盡仍意猶未盡。
曾是Joey網上歌迷論壇版主
除了合唱對方新歌，更大訴心底話，Joey大讚 Phil「冇得輸」。Phil曾經是Joey網上歌迷論壇的版主，自中學開始已是粉絲，他很感激Joey擔任自己人生第一個演唱會的嘉賓，Joey說二人很有緣分：「唔知點解你好似我屋企人咁！」作為小粉絲，Phil 更自爆私藏《愛一個上一課》的電台特別版：「當時專登搵加拿大 DJ 朋友俾個 File 我，得我有㗎咋！」，Joey 笑說自己都沒有這個版本：「記得我錄音嘅時候把聲好沙，但監製就話呢把聲好啱。」
Joey向Phil邀歌
Joey 一直很欣賞Phil的作品，拍攝途中更向他邀歌：「你幾時作歌畀我？我呢世人一定要唱一首你嘅歌！」Phil指自己一直都有這個念頭，但有時候越是想指定寫歌給某人，顧慮太多因素反而更困難。Joey很認同：「係呀，我最怕啲人因為要寫歌俾我，就寫得特別刁鑽，向高難度挑戰。」
Joey在旁鼓勵Phil
兩人合唱 Phil 的新歌《無題時想起的人》 期間突然下起大雨，Phil感性地分享道，現在雖然擁有幸福家庭，但有時仍會感到「Emo」。他表示：「自己都有struggle，但好似唔方便同其他人呻。」Phil希望可以給予家人們最好的生活，但有時需要工作而無法陪伴老婆及兒子。Joey則在旁鼓勵他：「我明白，但其實兩樣嘢冇衝突，我哋都希望每一方面能夠做到最好，冇任何嘢重要過家庭。」Phil 希望能盡全力成為一個好爸爸和好歌手，並藉此節目讓自己成為「成功的粉絲」，與偶像 Joey 在同一輛車上暢談心事。
