一宗男子疑假扮消防員與女網友豪食海鮮餐後「借屎遁」的新聞曝光後，近日有港女在網上分享類似經歷，自爆經交友App曾遇上呃飯食渣男，約會時，對方在元朗一茶餐廳狂食後急急腳走人，遺下一張約250元的單無找數。詳情見下圖及下文：
疑再有渣男呃飯食 港女發相公審：元朗茶餐廳狂食後急急腳走逐張睇↓↓↓↓
樓主：食完急急腳走出去
樓主昨日（11日）在社交平台Threads以「HMD（交友app Heymandi）呃飯食」為題上載相片發帖，留言指「呢條友聲稱住屯門，喺元朗食，狂食，食得勁快，食完急急腳走出去，走單！」。樓主在回應欄補充「我話食茶記，AA（制），佢話好，佢請，最後佢好似前世未食過嘢咁，仲食完走咗去」。
事主共上載4張照片，除有涉事男子的樣貌外，還有一張被喝光飲品的玻璃杯，和一張共247元的茶餐廳單據。
網民：當請乞衣食飯
回應的網民都替樓主不值，鬧爆涉嫌呃飯食的男子：「茶記都呃？」、「$200+都走」、「算啦，當請乞衣食飯」、「茶記都呃，有冇咁山窮水盡」、「呢排咁多男人老狗呃飯食嘅」、「唔係好明白，為咗一餐咁的飯都需要走數？」、「好X慘，而家經濟係咪咁差，百零二百蚊一餐飯都要呃」。
另有人細心查閱茶餐廳單據，指「F餐3個？ 仲加$79。。。佢應該食定幾日份量」。還有人指「咁似嗰個消防員嘅」，查問「係咪之前話自己做消防員嗰個」。
資料來源：iammelody8878＠Threads
男子疑扮消防員與女網友豪食海鮮餐後「借屎遁」案件↓↓↓↓
一名女網友日前控訴，指在交友App遇上「呃飯食騙徒」，被一名自稱任職消防員的男子相約到元朗一間餐廳用膳，期間對方懷疑「唔貴唔食」，兩人餐共花費1630元，對方更要她先行「碌卡」結帳，之後以如廁為由逃去無蹤。警方7月9日在屯門區拘捕一名男子涉嫌「以欺騙手段取得財產」，揭發男子真正職業為巴士司機，他涉及3宗同類事件，涉案金額約3800元。
相關閱讀：約女網友「呃飯食」巴士司機被捕
相關閱讀：扮消防員呃飯食｜29歲男子真身係巴士司機 每次飯後均「借屎遁」甩身
相關閱讀：「呃飯食」男子冒消防員 豪食女網友逾$1600海鮮餐 消防處證非屬員 交警方跟進
相關閱讀：交友慘遇呃飯食港女痛失1600元
