「唱作王子」馮允謙（Jay）在新歌《吉卜力》MV中，化了一臉紅卜卜的「醉酒look」，在充滿CG和真人的幻想世界中，遇上很多有趣的事情，MV中Jay在公園的長櫈上孤獨地吃兩餸飯、喝啤酒過生日，被小黑貓吸引而追著牠，他在公園被老人家耍太極拳推走，突然跌入神秘空間，開展奇幻旅程，Jay說：「每個人都有自己嘅想像力，Imagine Land。呢首歌係希望大家遇到唔開心嘅事情，多啲想像力，令世界更美好！」
Jay與少年版演員撞樣
飾演「少年版Jay」的新演員王耀宏（Meaning），被指與Jay撞樣，雖然MV中沒有同框，但二人在拍攝現場相遇，工作人員都指他們好似樣，Meaning害羞地對Jay說：「我好開心人哋話我樣似你，其實我更想唱歌似你。」Jay說：「你得嘅，唱歌唔使似我，要有你自己嘅聲音。」當Jay知道Meaning跟黃淑蔓（Feanna）上堂學唱歌，即問：「佢有冇鬧你？」 Meaning說：「佢係嚴謹同埋認真嘅老師！」Jay笑言以為Feanna不捨得鬧靚仔，離場前為Meaning打氣。而最近參演電影《不赦之罪》的陳書昕（Sheena），在MV中飾演由貓咪化身的日系少女，與「少年Jay」Meaning玩轉奇幻世界。
Jay翻睇《龍貓》感受不同
Jay分享拍MV感受：「今次MV好有趣，加入CG同真人一齊，例如有一幕我掂到某啲嘢就被吸咗去另一個世界，我要加入好多想像力去演，要畀咩表情？又唔可以太over！不停問啲同事我演成點？佢哋話OK我就放心，我唔係專業演員，仲需要培訓。今日好好玩，同導演Sheng第二次合作，佢好好，指導我要點做，拍得好愉快。」《吉卜力》歌詞意思是投入幻想世界，開解內心的不快樂，Jay亦公開他的「開心秘笈」，說：「我好鍾意食嘢，但因為要開騷要keep fit唔可以食咁多。仲有，我鍾意睇電視！」又透露最近翻睇宮崎駿的《龍貓》，和小時候看的感受好不同，長大後更感受得到當中的深層訊息，包括家庭的愛、童年、人和大自然聯繫等。Jay自爆平日愛幻想，有時想出古靈精怪的事更會傻笑。
