乘搭扶手電梯時要注意安全。有網民早前在港鐵站見到暖心一幕，大讚職員從後守護長者搭扶手梯的「遊電梯河」做法。詳情見下圖及下文：
從後守護婆婆搭扶手電梯 港鐵職員「遊電梯河」 網民大讚一絲不苟↓↓↓↓
樓主本月3日在社交平台Threads以「好人好事」為題，上載短片發帖，指「最近搭地鐵都留意到一幕好窩心：每逢有老人家、懷孕女士、持有拐杖嘅人，行到電梯口時好似有啲力不從心，都會有港鐵職員即刻過去陪住有需要人士搭電梯，仲全程金睛火眼留意住，怕佢哋會跣親！」。
樓主續指「最搞笑嘅係陪完老人上或落之後，呢位職員遊完電梯河，就會返自己崗位繼續工作。雖然只係一件小事～係唔知mtrhk（港鐵公司）要求定職員自告奮勇去做，但呢份『主動幫人 + 一絲不苟』嘅心，真係值得大大力拍手掌！#香港好人好事 #港鐵 #窩心時刻」。
網民：值得一讚及掌聲鼓勵
有網民指職員的做法「扺讚！」；另有網民稱「寶琳站！我都有見過，當日係一位後生仔推住件行李～我見到個叔叔跟住佢尾上，之後再自己落返去，唔理係唔係地鐵怕惹事啦，都係一件好事嚟嘅~」、「不論如何，多這些溫暖的行為，社會就係很和諧。值得一讚及掌聲鼓勵」。另有網民則指「月台助理，咩人都要助吧」。
片中見到陪伴婆婆的港鐵職員，左手像拿有一塊宣傳牌。而港職早前曾招聘「臨時扶手電梯安全助理」及「臨時扶手電梯安全督導員」兩個職位，招聘的結束日期為5月31日。
其中「臨時扶手電梯安全助理」的職責包括：
•指導及協助乘客使用扶手電梯；
•發放扶手電梯的安全訊息；
•勸喻並協助有需要的乘客選擇乘坐升降機；
•進行使用扶手電梯的問卷調查，收集乘客反饋；
•管理人潮，維持現場秩序。
港鐵「臨時扶手電梯安全督導員」的職責包括：
•推廣扶手電梯安全；
•檢視及督導臨時扶手電梯安全助理的工作，編寫輪值表、休假和考勤記錄；
•協助乘客正確地使用扶手電梯；
•勸喻及協助有需要的乘客乘搭升降機；
•管理人潮，維持現場秩序。
資料來源：dickylouie＠Threads
相關閱讀：港鐵扶手梯「企定定」慘遭惡女回頭嘲 「左行右企」慣例仲有無？港鐵咁講…↓↓↓↓
有市民2023年中在facebook指，在港鐵站乘搭扶手電梯時乖乖企定定，但卻被一名中女怒罵唔識「左行右企」，覺得委屈。事件再次引發網民對「左行右企」的討論，有人重提「左行右企」的缺點，直斥中女「仲活在石器時代」。
樓主附上港鐵扶手電梯安全運動宣傳大使櫻桃小丸子的海報，發文大呻「剛才係（將軍澳線寶琳站）新都城電梯往下去港鐵月台，左右兩邊企咗人，有個中女係我後面話借開，讓咗畀佢後重要彈我一句，唔識左行右企呀！」。↓↓↓↓
