下午茶連加一收$63 連鎖餐廳自己落單仍收加一服務費惹議 網民：請問你服務咗我啲咩？業界咁解釋｜Juicy叮

有網民在一間連鎖餐廳食下午茶，埋單連加一服務費收63元，他在網上分享質疑：「下午茶都加一，仲要自己落單？」掀起爭議，有網民質問：「真心覺得，加一又叫服務費，請問你（指店家）服務咗我啲咩？拎個餐比我呀？」有人甚至認為：「取消加一！會更加吸引！」

下午茶連加一收$63 連鎖餐廳自己落單仍收加一服務費惹議 網民：請問你服務咗我啲咩？業界咁解釋↓↓↓↓

有網民在「香港茶餐廳及美食關注組」FB專頁發帖，分享在一間連鎖餐廳食下午茶，他點了白咖喱豬扒飯，他雖大讚「白咖哩豬扒係好正，豬扒鬆軟香脆」，但指出：「不過下午茶都加一，仲要自己落單？」似暗示僱客自行透過手機掃瞄QR code落單，仍收加一服務費不太合理。

翻查該餐廳的價目表，該款下午茶餐價格58元，連加一後，埋單63.8元。

網民質疑無服務仍收加一：不如直接加10%簡單啲

帖文引發網民熱議，不少網民認為餐廳由僱客自行落單，質疑收取加一服務費的合理性：「其實自己落單但要收加一，真心唔值。」「而家自助落單，有啲連倒水都自助，但加一照收。」

「真心覺得，加一又叫服務費，請問你服務咗我啲咩？拎個餐畀我呀？」「+1唔緊要，但如果係寫服務費，仲要自己落單真係唔會再食。」

有網民認為食肆不如直接加價一成：「真心唔明，好多食肆自己落單，自己埋單都無加一，呢間點解要收加一，其實都係茶記，不如$直接加10％簡單D。」「其實食物價錢直接貴10%都冇咁谷氣。」

有網民指，目前食肆經營環境困難，應考慮免除收加一服務費：「取消加一！會更加吸引！」「加1服務，自己落單，依個時勢，應該好快執。」

業界：QR Code落單只省很少成本 仍需人手上菜、執枱等

叙福樓集團兼行政總裁黃傑龍過往接受《星島頭條》訪問，就手機落單仍收加一服務費作出解釋，他表示，採用QR Code落單是為提供更好的服務，減少人為落單錯誤。他指出，建立系統成本高昂，加上現時請人難，QR Code落單只是媒介上改變，增加客人的選擇，加上仍需人手上菜、執枱等，沒節省到多少成本，「加一」收費亦難以調整。

香港餐飲聯業協會會長黃家和則指，QR Code落單在內地一早推行，甚至連同支付寶、微信等付款一條龍，香港已慢了起步。手機落單只省卻部分工序，例如與侍應溝通落單，但仍有擺餐具、斟水、上菜等服務。至於部分不懂使用QR Code落單的客人，亦需員工協助，QR Code落單在營運上只省卻了很少成本。

相關新聞：食肆手機落單「憑咩收加一」？食客促取消 業界：仲要斟水同執枱

同場加映：葵芳連鎖酒樓收４次「加一」 網民揭真相反撐酒樓↓↓↓↓

有網民一行8人光顧葵芳一間連鎖酒樓。

他在帖文中，附有該連鎖酒樓的收據，並留言謂：「請問有冇人見過如此加一的方法。」

樓主上載的收據，看到當中有4項「加一」

除一次為傳統的「加一服務費」外

尚有三次特別的「拆數加一」

三次「拆數加一」總數516元，分別為：兩次名目為「廚部拆數（加一）」，金額為148元及58元。

另一次為「海鮮拆數（加一）」，金額為310元。

至於「加一服務費」，金額為263.5元。

4次「加一」總金額為779.5元

連同餸菜及酒水等，全單總收費2898元，樓主一行8人光顧，平均每人362元。

不少網民坦言：「真係未見過咁計法，點解當面唔問清楚？」

樓主回覆表示：「因為以前去過好多次，信得過佢哋，但呢次就中招。」

有網民指：「……果3行拆數加一，就要睇下餐牌有無寫明，無寫就可以唔畀。」有人又認為可以去消委會投訴。

正當部分網民響起一片聲討聲，多名「心水清」網民留言指出，收據上「深海龍躉兩味」竟然無收費

而「黃金蟹肉蝦球伊麵」竟收費20元。

「心水清」網民指出，兩項餸菜超低廉收費，已表明4次加一，當中3次所謂「拆數加一」，其實只是收回有關餸菜的費用，並非真正的「加一」。

「幾個X部拆數（加一），其實係咪啲特別菜單嘅項目，係電腦𥚃面冇嘅，而作出嘅價錢調整。」

「其實你唔好睇單，因為佢依家有套餐嘅計法可能好古怪，重點係你個總數啱唔啱先？！好似你個大班兩味係零價錢，個蝦球伊麵又20蚊！呢啲你又有冇睇呢？！」

「你食幾多嘢，人地收番你幾多錢，祇是上面3樣無打價下面加回，咁都要聲討？」