一位短褲大叔早前在深水埗鴨寮街做了一件讓網民「諗唔到會咁樣發生」的事，在一店鋪唱散500元被拒後，折返時竟然笑笑口在該店的貓店長身旁放低兩條「紅衫魚」。詳情見下圖及下文：
鴨寮街唔買嘢齋唱散$500慘被拒 大叔折返竟放低兩條「紅衫魚」逐張睇↓↓↓↓
樓主：冇諗到放低兩嚿水俾隻貓
樓主昨日（21日）在社交平台Threads以「#愛貓人士 #深水埗鴨寮街」為題，上載一段天眼短片發帖，指「一大早個阿叔喺我哋鋪頭門口玩我哋隻貓，然後攞$500俾我，叫我幫佢唱散紙，我當然拒絕，冇諗到佢轉頭唱完散紙返嚟放低兩嚿水俾隻貓……」。
片中見到大叔笑笑口走向貓店長，彎身在貓貓身旁放下鈔票，摸摸貓貓的頭部後便斯斯然離開，貓店長及時向大叔張口像叫了一聲。大叔放低鈔票一幕被路人發現，對方為之側目；而大叔所做的「好事」，旋即被店鋪職員發現，在場手指指和騎騎笑。
相關閱讀：「勿再投餵此貓」街招搶眼 網民爆笑：貓店長像重案賊王
樓主及後放上貓店長的玉照講述當時的情況：「阿叔喺度玩貓，而我笑笑口任由佢玩，佢問我隻貓係咪我哋嘅，我點頭應咗，然後佢用佢一直揸住嘅$500直接同我講，你同我唱散紙，咁我同佢三唔識七，佢又唔係用問嘅方式，咁我點解要幫佢唱啊，係唔清楚對方意圖嘅時候邊個會幫陌生人啊，如果錢有問題，邊個負責啊……最後睇睇我哋隻愛貓幾有型，哈哈」。
樓主接著再補充，「不過最後我哋鋪頭都係好多謝阿叔咁大方請我哋隻貓食嘢，除咗阿叔，希望所有人都可以過得開開心心。我哋隻貓係好鍾意喺鋪頭門口曬太陽或走到隔籬鋪頭門口曬太陽，大家鍾意佢嘅話見到佢可以影相，雖然日日都好多人影，哈哈」。另有網民放上一張貓貓身旁有一大堆零食的相片，相中貓與涉事的貓店長相當像樣。
相關閱讀：貓店長掛「眼看手勿動」告示 店員感言：痛心貓咪瞓得少
網民暖心排隊大讚
回應的網民對大叔的「迷之行為」感到相當暖心，排隊大讚：
•佢請隻貓食嘢；
•叔叔好鍾意隻貓貓；
•好叔叔：俾你買嘢食；
•好錫貓，係真心錫貓；
•呢個阿叔不得了，咁好人㗎；
•貓貓要送返張感謝狀俾陌生人叔叔；
•好似對小朋友咁，叔叔俾錢買糖糖食；
•來認識呢位咁有愛心嘅呀叔，極罕有；
•多謝愛貓叔叔，呢個摸摸頭俾零用錢舉動好有愛；
•阿叔笑住行返嚟Made my day（讓我今天很開心）；
•個叔叔擺低錢後再輕力摸兩下頭仔先走，佢真心錫貓貓；
•鍾意到會特登唱錢，仲行返轉頭俾錢貓貓，阿叔，欣賞你；
•阿叔摸貓頭嗰下充滿愛，有時呢個世界就係咁，永遠都係以貌取人；
•好Old school（老式），真係好似細個啲親戚錫我哋就係醒幾嚿水我哋買嘢食。
有人則笑指貓店長為招財貓：「憑可愛賺條條」、「自己罐罐自己賺」、「憑實力自己賺罐罐」、「過年可以帶埋隻貓去逗利是啦。
資料來源：wantsunsing＠Threads
相關閱讀：元朗「喵當勞」新張小童擲石贈興？ 網民捏把汗：好在拉得切↓↓↓↓
朗一間寵物用品店給其「腦細」貓店長「雲吞」置了一間新屋，並命名為「喵當勞」。戴金頸鍊的「雲吞」擁有一副大老闆身型，上載相片的寵物用品店fb小編發帖笑指「喵當勞好街坊分店！正式投入服務！」，並特別提到「係正門只可以睇到『腦細』嘅尾巴，但後面有廣闊嘅空間」。
「喵當勞」帖文2023年4月1日早上發布，同日下午卻差點發生不愉快事件，據寵物用品店fb小編指「2023年4月1日下午15:07分左右，有小朋友企圖用大石頭丟『腦細』，好在阿媽及時阻止」。
寵物用品店fb小編續稱，「想提醒下各位家長，看管及教育好你哋嘅小朋友，唔好對住貓貓大聲尖叫或者丟石頭引起貓貓注意。我哋冇限制大家同『腦細』互動，係知有好多屋企有原因養唔到小動物，又好鍾意小動物嘅朋友，可以多個接觸小動物嘅機會，請各位家長多多留心！」。
