34歲「上等人」梁舜燕孫仔阮浩棕，入行逾10年，去年終憑《異空感應》、《廉政行動2024》等劇集奪得飛躍進步男藝員。阮浩棕最近獲安排拍攝旅遊兼訪談綜藝節目《人生美食地圖—東京篇》，與陳方藤合作，更是阮浩棕首次踏足日本。
阮浩棕從未去過日本
阮浩棕日前與陳山聰、陳方藤出席宣傳活動時，接受TVB娛樂新聞台的潘盈慧訪問，除分享從未去過日本，導致攝製隊要幫他安排妥當，還因當日日獨自飛到當地，製作組擔心他不會搭車，要安排車輛接載。訪問期間，談到感情問題時，阮浩棕突然離題大講工作，陳方藤先出言提醒並非講工作，陳山聰更問：「你係咪唔識中文呀！講緊中文喎。」
相關閱讀：阮浩棕視周潤發為目標：做好每個角色 繼承家裏衣缽感幸福 終獲父親認可丨獨家
阮浩棕分享心路歷程
阮浩棕在訪問中提到情路崎嶇，他卻誤會講工作生涯，變得感性表示入行多年，直到近年才被大眾認識，一直處於低谷時期，當中的辛酸甚少向外界透露，直到在節目中才有機會分享心路歷程。在旁的陳方藤越聽越唔對路，出言糾正阮浩棕。阮浩棕尷尬表示：「嗰啲忘記晒㗎喇！嗰啲細個嗰陣被劈腿嘅機會好大，細個嘅時候可能我個人太悶啦，太佛系啦！」陳山聰便安慰阮浩棕，稱自己有經驗：「人生要多啲俾人飛嘅經驗先得，我全部都係俾人飛㗎！」
阮浩棕最感激親哥哥
阮浩棕在《人生美食地圖》近日的一集，先後分享對於作為演員的要求及看法，以及如何在家人無條件支持下走過崎嶇的演藝路。在演藝圈打拼超過12年的阮浩棕，談到過去經歷的高低起跌時，坦言最感激的人是親哥哥，感性的他還邊說邊強忍男兒淚：「因為我爸爸喺我好細個嘅時候已經長期唔喺香港，哥哥係我細個時候爸爸嘅 icon 嚟。我阿媽鬧我，我阿哥係會話番佢轉頭。」
阮浩棕哥哥身兼父職
阮浩棕從小由哥哥「身兼父職」照顧，從小到大都給予弟弟無限支持及愛護，在阮浩棕今年初摘下人生第一個演藝獎項時，阮哥哥馬上給返家的弟弟送上溫暖的擁抱：「我記得我返到屋企第一眼見到阿哥嘅時候，佢衝埋嚟攬住我、拍咗我一下，我覺得呢一下代表晒所有嘢。」
阮浩棕想藉着節目親口感謝哥哥「無條件的愛」：「之前喺內地最難捱嘅時候，自己一個喺出邊生活，其實係我會問哥哥借錢，所以當我開始搵返一嚿錢返嚟嘅時候，我話我還番俾佢，但阿哥會話『得啦！袋住先』，某程度我覺得係好愧疚。」阮浩棕對自己作為演員的要求絕不馬虎：「如果我對某件事係好熟悉嘅話，我唔會畀自己出錯。我可以接受 NG，但我唔可以接受自己拍超過三take。」
相關閱讀：TVB上位小生阮浩棕獲周潤發點名超激動 出身演藝世家原來早有淵源：希望做到男主角
