廖子妤《光明大押》演女強人 落車姿勢變喜劇 栢天男想突破「靚仔框架」丨獨家

廖子妤（Fish）和栢天男於電影《毒舌大狀》結緣後，相隔兩年於ViuTV原創劇《光明大押》再次合作。栢天男表示拍《毒舌》時對手戲不多，但今次再遇，大讚Fish在演戲方面好容易交流，令他好快明白了解；Fish則謂自己演戲方式首先會嘗試，若然效果不如理想就再去調整：「第一次演嘅感覺比較新鮮，尤其拍電視劇、好趕時間，一日咁多版對白都拍晒佢，我會傾向行好個位就拍。」 文：鄺芷瑩 圖：朱偉彥

感激謝君豪、呂爵安提醒

廖子妤於ViuTV原創劇《光明大押》飾演女強人。

更是繼《毒舌大狀》後，相隔兩年再次與栢天男合作。

栢天男讚廖子妤在演戲方面好容易交流，令他好快明白。

栢天男劇中演投資大行CEO，廖子妤則演他的下屬。

問到演投資大行CEO後，對投資股票有否變叻？栢天男笑說沒有亦都唔夠膽掂！

栢天男更表示有一場戲要一take過，坦言有難道！

戲中演投資大行CEO的栢天男，笑言本身對股票零認知，事前特意看有關股票題材的電影，但發現戲中主角演出來過份自信心，希望經過自己調節後再去演繹今次角色。談到通過今次演出，對投資股票有否變叻？他笑說：「無喎！亦都唔夠膽掂！」而飾演栢天男下屬的Fish，笑言戲中有靚跑車場面，但不敢親自駕駛，因為實在太名貴，幸有替手代勞，不過坐跑車後起身都有學問，她說：「原來呢啲咁貴嘅車，對着短裙、高跟鞋的女士唔係幾友好，除非核心力量好勁，但多謝豪哥（謝君豪）同Edan（呂爵安）喺現場提醒『睇住個頭呀！』、『點樣用力撐上去』，連落車都要人教，本來我係演好有氣勢的女人，好有型一嘢落嚟、美腿一揮一撐就起身，但我就變咗喜劇效果！試好多次先有完美落地。」

廖子妤坦言戲中有跑車場面，但不敢親自駕駛，因為實在太名貴。

廖子妤笑指栢天男被靚仔形象限制，稱他可以嘗試演忠直角色，感受不同人生。

廖子妤飾演女強人入型入格。

栢天男希望挑戰演自閉症或癱瘓等角色。

兩人曾合作電影《毒舌大狀》。

一take過場口有難度

栢天男就笑言有場豪宅戲份要走位，有點難度，戲中打完高夫球後Fish同Edan會行過來，攝影師要求一take過，比較有舞台劇感覺，對他來講是新的經歷。外國長大的栢天男，被問現時對中文是否沒難度？他笑說：「唔係呀！我覺得唔只中文問題，仲有演戲呢樣嘢，演戲經歷淺就要跟前輩學嘢！」身旁的Fish笑指栢天男被靚仔形象限制了好多想象，反而可以嘗試演忠直角色，感受不同人生。問栢天男會否介意演醜角？Fish即搭嘴搶答：「佢點整都唔會醜！」栢天男笑言無所謂，又認為人成長後都想嘗試新事物，希望挑戰演自閉症或癱瘓等角色。

Credit：
服裝：MAX&Co.（廖子妤）、Paul Smith（栢天男）
化妝：Melody Chiu（廖子妤）、Kyo Lee（栢天男）
髮型：Zap Tang（廖子妤）、Kenki @BACKYARD（栢天男）