由曾寶儀旁白兼主持及其男友林明謙執導的紀錄片《交換禮物》，今晚（13日）舉行慈善放映，曾志偉以福幼基金會主席身份出席外，一班慧妍雅集成員朱凱婷、戚黛黛、莊思明，以及《中年好聲音》歌手趙浚承、劉洋、黃劍文等也現身支持。現場曾寶儀的表姨丈廖新喜現身說法談及患癌經歷外，擔任該片監製兼曾寶儀堂弟曾國駿也提及在拍攝期間太太患癌。
跟住患者病情進行拍攝
曾志偉則謂自己是癌病家族，包括哥哥、太太、妹妹、表妹夫等，所以與女兒寶儀也會定期身體檢查，亦覺得寶儀拍攝這部紀錄片好有佛心，花了四年時間拍攝出來，分享家人患癌如何處理。曾寶儀則表示：「呢四年拍攝好艱難，2019年開機拍攝，喺台灣同美國分別拍咗半年，因為疫情停拍。出品人邱瓈寬都問係咪詐騙集團？但覺得紀錄片有生命，要跟住患者病情去拍，拍攝途中堂弟太太都患癌，所以大家睇初期以為醫科探討，最後係生命和解紀錄片。」問到爸爸曾志偉可有給予意見？寶儀笑指爸爸好忙。曾志偉則笑謂毋需要問，因為好多家人經歷，又指該紀錄片之前在台灣已上映半年，在港上映未來有好多包場，反而覺得票房不重要，最重要更多人睇到。問到參與過程是否很難受，曾寶儀承認難受，尤其堂弟太太臨終前一晚時，就問自己應該以紀錄者身份去拍攝，還是用親人身份探望，配音時每次配到這一段也忍不住喊變聲沙。她說：「呢部分自己最有共感，希望大家睇完將悲傷放低。」
曾志偉多次見未來女婿林明謙
問到曾志偉對該片可有啟發，他笑言未睇，睇完話畀大家知，又爆曾寶儀會留港多幾日，跟他慶祝父親節。問到會否送禮物給爸爸？曾寶儀笑言自己是最好的禮物。談到慶祝父親節有未來女婿林明謙參與，曾志偉笑言見過好多次。談到何不叫女兒結婚，他笑言叫不動。問到曾寶儀為何不結婚？她笑言每日過得很開心，將來有需要先結婚，但不結婚不代表不珍惜。
