宣布再懷孕的林芊妤（Coffee）早前在社交網透露胎兒發現「13號染色體異常」（帕陶氏症）出現踩界情况，最壞情況可能會導致BB兔唇或智力有問題等，甚至有機會活不到1歲，令她擔心到在鏡頭前爆喊，不過昨晚Coffee在其頻道更新情況，指在醫生的建議下，找來一個母體科很出名的醫生提早照胎兒結構，結果是BB的腦、血管流及眼鼻耳身體結構都沒問題，很多器官也正常。
Coffee稱過兩三星期再照結構
現時懷孕四個多月的Coffee今日（8日）與兒子翟德彥到九龍灣出席活動，她指胎兒暫時一切安穩，過兩三星期會再照結構，她解釋一開始照的報告出不到，所以自己嚇餐死，因陀上一胎時胎盤前置加出血，醫生也覺得她陀仔不叻，所以也覺得擔心，加上頭三個月有早產現象，自己也少做運動，而出報告後有這種消息自己也擔心，醫生也建議做美國DNA檢驗，而報告表示一切正常：「有事係萬份一，但我唔識點講，我做咗幾份唔同嘅嘢，得呢一份話我知我冇事，之前嗰兩份都係灰色地帶，出唔到報告，纏繞我三個禮拜先至出美國呢份，結構醫生都話健康睇唔到有任何問題。」雖然一切顯示沒有事，但Coffee坦言因為T13及朋友的事情令自己有陰影，至於是否會抽羊水檢驗？Coffee指醫生認為沒有需要，因為抽羊水出事的機率大過現在報告所顯示的，又指有機會會造成早產或流產，故她認為這個決定非常兩難。
Coffee感恩很多媽媽分享經歷
Coffee指事後曾收到很多媽媽訊息跟她分享經歷，為她打了強心針，又呼籲懷孕的女士有問題就要講出來，笑言講了後多了很多傾訴對象，問到現在是否已經放心？Coffee坦言未完全放心，問到老公有什麼反應？她笑指對方覺得也沒有問題：「其實我而家會check返第一份報告（T13），醫生建議嘅，佢話既然你諗住抽羊水，不如再做多次睇吓指數有冇升或跌，如果跌咗就唔使諗抽羊水，佢明白我個人一定要喺灰色地帶抽返自己出嚟。」Coffee指有小朋友就希望他來到世界的時候是健康，不然就會怪自己一世：「佢喺我個肚，始終我有責任保護佢，都有責任去知道佢究竟發生緊咩事，我上星期一做檢查，下星期一就會收到報告，到時可以再分享，如果冇事就可以慶祝，會好開心變返平時嘅我，但如果有問題就會再諗。」
Coffee想生女怕跟兒子一樣活躍
問到想生仔還是女？她故作神秘表示沒有答案，但自己就想生女，不過怕女兒會跟兒子一樣活躍，但認為無論男女最重要的也是小朋友能開心及健康成長，又指今胎陀得比上一胎更小心：「我上一胎真係冇理自己，會去爬山跑步做返平時做嘅嘢，但而家會節制啲，運動量都降到好低，因為覺得頭呢幾個月陀得唔係咁好，再加埋情緒問題其實都keep住有出血現象，所以自己有啲擔心，希望過咗五個月之後陀穩咗先慢慢再運動返，但呢胎的確係擔心過上一胎，唔緊要都係9個月，為咗佢犧牲自己小小，唔好掛住為咗keep fit，等佢可以舒舒服服出嚟，會以佢為先。」
