林峯今日（6日）以代言人身份出席「月餅銷售大會」，可見他身形變瘦，但他笑言演唱會後陪太太和女兒吃東西，亦有參與慶功宴吃好多，不過覺得保持瘦身形是好事，因為九月巡迴演唱後，亦要拍電影。談到中秋節能否陪家人，他表示要視乎行程，但暑假已計劃與家人去旅行，若然節日不能陪伴，太太也很明白事理。
讚宣萱犀利
提到早前林峯與太太張馨月及女兒Luna到主題公園玩，林峯主動跟網民打招呼又揸機合照，被讚為人親切毫無明星架子。林峯說：「我同大家一樣去嗰度玩，大家都好禮貌、好體諒。」對於他形容「失蹤人口」的徐子珊，被網民發現在巴黎博物館出現。林峯說：「真係好多年無同佢聯絡，佢已經退出娛樂圈（宣萱表示跟她有聯絡？）犀利。」問到可會邀請徐子珊做嘉賓，他說：「唔好搞人，各自有自己生活。」談到有不少人將徐子珊與周秀娜作比較，他表示沒有可以比較的地方，各有特式和所長，亦多謝周秀娜擔任嘉賓好勤力同專注。問到可會邀請周秀娜參與巡唱嘉賓，他說：「睇下乜嘢地方，佢都有自己工作。」當笑指在演唱會演出「林峯櫈」一幕引來熱話，就連8月開騷的BIG FOUR也笑言要練「林峯櫈」。他笑說：「有無櫈搵我做代言，老闆都話睇下有無第二啲櫈跳舞，可以試下梳化，巡唱都有呢part，大家唔好剩係睇我，仲有其他舞蹈員跳舞。」
《天命最高》不會在電影出現
談到宣萱需要為電影《尋秦記》補戲，林峯表示自己戲份已補拍。對於老闆古天樂表明不再做歌手，但問到可想跟對方為電影《尋秦記》合唱主題曲。林峯表示：「拍電影《尋秦記》時，都諗過同古仔唱《天命最高》，無諗過第一次合作喺演唱會唱，估唔到呢首歌，大家好有記憶點，好期待部戲上映有大家集體回憶。因為版權問題，呢首歌唔會喺電影出現。」至於網上瘋傳張馨月吃長條麵的短片，林峯在旁起哄叫老婆站到椅子上吃麵。他說：「呢啲生活點滴，要瘋傳的話，不如瘋傳張櫈。」另外，對於堂妹林夏薇遭一間公司入稟高等法院呈請破產。林峯說：「我唔了解件事，佢有嚟睇我演唱會，都ok呀！（擔心她？）我無就呢件事了解同傾過，佢會處理啦！」
