荃灣一對男女在球場旁一小路倒地糾纏的場面被路人拍下，當中的金毛男強勢上陣，施以掩眼、扭頸、扯頭髮等招數，長髮女招架乏力，倒臥草叢掙扎慘叫。事情的結局卻出人意表，令網民難以置信。詳情見下圖及下文：
金毛男荃灣小路掩眼扭頸扯頭髮 長髮女倒臥草叢掙扎慘叫逐張睇↓↓↓↓
樓主本月21日在社交平台Threads上載短片發帖，留言指「依家啲後生，玩都玩得冇嚟檢點！條女嗌晒救命，以為乜嘢事啦？！點知原來喺度玩嘅！本來仲想幫手報警。要玩返屋企慢慢玩啦。條金毛仔係咪以為自己咁樣好Ｘ型？」。據樓主透露，現場為沙咀道遊樂場硬地足球場旁邊小路。片中所見，兩人糾纏期間，足球場內有一名女子在跑步，另有一名大叔路過兩人身邊。
網民細看片段後得出以下結論：「我以為佢搶嘢」、「未睇到留言以為綁架」、「殺緊人定準備強姦？？」、「唔講以為攞把刀鎅條頸 」。有人則感慨「一個願打一個願捱」，也有網民把焦點放於過路大叔身上，指「隔籬個阿伯掂行掂過。望都唔望當透明先好嘢」。
相關閱讀：兩外籍女旺角街頭MMA 互扯頭髮打到碌地 鄉里在旁「神反應」成焦點
樓主：兩人之後攬頭攬頸有講有笑行咗去
由於短片的動作過激，有網民還是認真老實地反問樓主「你點睇得出去玩？我睇咗幾次都覺得好恐怖」、「想知片主最後係點知佢哋玩緊？」、「玩？ 唔似喎」。
樓主於是現身解畫，稱：「我開頭都以為係搶嘢／老強（強姦），點知佢哋玩完之後，好似冇嘢咁有講有笑走咗去」、「最後佢哋攬頭攬頸有講有笑慢慢行咗去」。不過，網民仍是半信半疑：
•重複看幾次都係覺得個男仔打條女；
•同埋咁玩會整親條頸，可以斷，可以癱；
•勁大力喎，咁樣係玩咩……分分鐘頸都斷；
•其實係咪家暴緊？黐線，問佢一定話玩緊㗎；
•我覺得個女仔好痛苦喎，點睇都唔係玩緊啦；
•吓？ 佢將個女仔個頭㩒落地下，原來而家啲後生玩得咁激烈？
•真心唔覺係玩……即使係玩都唔會咁玩啦下嘛？又污糟，又Ｘ又痛，咁樣係玩嘅真係一啲尊重尊嚴都冇㗎喎。
資料來源：top6_penix＠facebook
相關閱讀：巴士「孝順姐」撳住長髮女打到嗌救命：「你Ｘ我都得，唔好Ｘ老母！」↓↓↓↓
今年初有大媽在巴士上疑不滿鄰座長髮女子，多次以粗口問候其「老母」，「Ｘ人老母」最終演變成打鬥，大媽最終撳住長髮女打，怒斥：「你Ｘ我都得，唔好Ｘ老母！」被網民形容為「孝順姐」的大媽，大戰長髮女的全過程如下↓↓↓↓
