在巴士上高談闊論總也對同車乘客構成或多或少的滋擾，但「受害」乘客在反映不滿時，也得注意舉止，不要在情緒激動下做出過激行為。
一名嫌學生哥搭巴士時傾唔停口的熱褲長腿大叔，便被拍攝到在車上與青年爆發罵戰，期間可能被對方一句「吹呀」辣㷫，熱褲大叔激動得連番起身，傾前身體發出「呼呼」聲，懷疑向他口中的「大學生」吹氣噴口水。詳情見下圖及下文：
嫌學生哥搭巴士傾唔停爆罵戰 熱褲大叔疑吹氣噴口水逐張睇↓↓↓↓
樓主昨日（23日）在facebook群組「車cam L（香港群組）」以「躁狂阿叔，巴士冇泊正站位都要Ｘ司機，學生傾計又比佢Ｘ，仲要噴人口水」為題，上載一段長約1分鐘的短片。
片中坐車尾的熱褲大叔，右邊身旁連倒頭位坐有3名短褲青年。短片開始時，已見熱褲大叔口中念念有詞，旋即對年青人咆吼，並離坐傾前身體發出「呼呼」聲疑似吹氣噴口水，完事後坐回原位繼續指手畫腳破口大罵。未幾，熱褲大叔又站起來，傾前身體再發出「呼呼」聲，這次動作相當猛烈，整個人站了起來，接著才坐回原位。
熱褲大叔發炮的對象主要是斜對面坐倒頭位容貌無入鏡的年青人。到短片播至約42秒時，熱褲大叔又站起來，疑似一再發出「呼呼」聲，並喝令對方下車。不過說畢後，熱褲大叔卻自己抱著黑色背包離開座位，向車廂前方行去，而短片亦就此完結。
相關閱讀：屯門巴士客開手機勁大聲 司機報站屏幕突打「呢句」即收聲 網民：仲有更激
青年反駁大叔：係呀，吹呀
罵戰期間，大叔鬧出大量粗言穢語，青年也不時反駁，節錄雙方部分內容：
•大叔：係咁吹吹，吹你咪吹你，做乜Ｘ嘢呀，你叫我吹㗎
•青年：呢啲就係……
•大叔：咩呀，呢啲依家就係我打Ｘ死你都得呀……咁嘅爛Ｘ大學生……成日喺度上車嘈Ｘ到
•青年：係呀，吹呀
•大叔：未Ｘ停過口
回應的網民形容罵戰「幼稚」，指「仲玩口水，腦未生埋」。有人稱「又係呀大學生叫人吹，人哋咪吹」、「剩係識蝦細路仔」。有人則認為「大學生都有少少唔啱㗎」，但強調「幾唔啱都唔可以向人吐口水」，反問「點解唔可以好聲好氣呢？」。
有網民留言「（短片）無頭無尾，係咪真係學生太嘈呢，真係太嘈咪好聲好氣同佢地講囉。有時真係兩邊都唔抵幫」，樓主現身回應指是「正常傾計聲」。
資料來源：Michelle Yeung＠facebook
相關閱讀：屯門巴士司機停車高速公路開咪鬧乘客 不滿大聲傾偈：「繼續講啊！我大把時間！」↓↓↓↓
網絡早前熱傳有屯門巴士在高速公路停車，司機開咪大罵乘客，指斥有人大聲傾偈：「繼續講啊，唔緊要啊，我大把時間！」
有網民2月6日在「文人多說話」FB專頁發布事發時影片，帖文以「巴士超級癲司機，有乘客大聲傾偈，佢開mic鬧到飛起」，全程如下↓↓↓↓
