巴士乘客伸腳飛象過河一個也嫌多。有兩名女子早前乘搭城巴時，在巴士駛經旺角期間齊齊飛象過河，赤腳伸出的20隻腳趾悠然自得地在倒頭位上「開花」，情況倍加惹網民討厭。詳情見下圖及下文：
兩巴士女乘客齊飛象過河20隻腳趾齊「開花」逐張睇↓↓↓↓
相關閱讀：波鞋女搭巴士單腳「飛象過河」 正反意見激辯 網民乜原因力撐？
兩人表情一派悠然
facebook群組「香港交通突發報料區」版主早前列明事發於本月13日，以「當你進入無人之境，係見唔到身邊所有人，因為你已經進入結界，天氣咁熱梗係要涼下」為題，上載一段長約49秒的短片。
片中正在北行的巴士駛經彌敦道旺角信和中心和旺角新城一帶，涉事的兩名女乘客穿著斯文，分別穿粉紅和粉紅色條子恤衫，其中一人露腿，一人穿長褲，卻齊齊飛象過河，脫掉涼鞋伸出光光的雙腳，20隻腳趾一度踏在對面倒頭位的座以上排排坐「開花」；而兩人的表情一派悠然，時而高談闊論，時而張望窗外風景。
短片播至中段時，靠窗坐著的其中一名女乘客終於把雙腿放下，兩隻腳板放於涼鞋上；但露腿的女子短暫放下腳後，卻依然故我，繼續讓腳趾在倒頭位上「開花」，忘情放飛自我。
根據城巴《乘客須知》第25條：「請勿在車廂內作出影響其他乘客的行為，例如：把腳放於座椅上、以手提電話或其他裝置播放過大聲浪等」。
相關閱讀：港鐵大叔坐頭等飛象過河 鞋底磨椅邊 近看還有另一嘔心細節
網民大力聲討兩人惡行
回應的網民大力聲討兩人的惡行，怒斥：
•嘔心；
•冇家教；
•好肉酸；
•不知所謂；
•巴士當私家車；
•一點修養都冇；
•一腳成名，好；
•真係經典呀唉！；
•沒有公德心正，冇品；
•娶了呢啲女入衰十世！；
•這種人是沒受過教育的人；
•人賤自私冇公德的大媽？？？？；
•希望佢哋啲親戚朋友都睇到吧！
有看不過眼的網民齒冷兩人「仲悠然自得」，笑言「踢佢對鞋落車」、「下個站即刻掉佢對鞋出車門」、「真係好乞人憎，點解要咁樣坐，踢走佢哋對鞋」、「大聲啲叫乜嘢味咁臭嘅！」。另有人建議樓主「影得唔爭在話埋佢」、「叫佢兩個放返腳落嚟……」。
有網民還稱「以前香港人都會放腳上去，有人報了「眼中釘 」後（80年代）（經典電視節目《歡樂今宵》其中一個環節），好多港人都改了這壞習慣，但近排好多壞習慣又返晒嚟——剪手指甲、放脚上椅、不排隊、唔讓坐、入車廂鬥快坐、講嘢鬥大聲、隨哋吐痰及食煙、開門不用手用腳或手腳都不用……等」。
相關閱讀：搭巴士飛象過河 整蠱專家出招收埋對鞋 婆婆左搵右搵 網民意見兩極↓↓↓↓
飛象過河屬巴士乘客無公德心行為之一，一向備受非議。有整蠱專家於2023年時，懷疑身體力行使出收埋對鞋辣招，對付一位飛象過河的婆婆乘客，但網民反應卻兩極。有人感到大快人心，指「做咗我一直想試嘅嘢」；有人卻替婆婆擔心，稱「大熱天時個婆婆著成咁都諗到佢係身體虛弱／有頑疾啦，好心咪咁對佢啦，陰功」↓↓↓↓
婆婆狼狽搵鞋
樓主以「拍攝者收埋佢對鞋，佢依家搵緊」為題在facebook發帖。從轉載的相片見到，疑似戴兩頂帽、穿白襪和厚衣，帶有手拖車的婆婆在巴士上疑打蓋睡，並飛象過河將雙腳擱於對面的倒頭位上。附上的短片則見到婆婆準備落地時，徬徨地在座位周圍尋彎腰轉身找鞋子，並找至外套也甩掉一半的狼狽樣。
收埋對鞋對付飛象過河，這辣招可能也在網民腦內閃過，對於有人付諸實行，意見卻是兩極。有人感到大快人心，指「好心涼」、「雖然好陰騭，但我鍾意」、「對啲咁自私嘅人，做得好」、「做得好！呢啲人無公德心，應受懲罰」、「有咁遠掉咁遠」、「好過齋影放上網，乜都唔做」、「收埋對鞋我覺得係一個好教訓。不過建議你落車個時同車長交待一下對鞋喺邊」、「對鞋交畀車長話執到失物， 咁咪夠曬正義囉」、
「踢一隻落車」、「呢樣嘢我想做好耐」。
婆婆飛象過河及心急搵鞋逐格睇↓↓↓↓＋ 網民各有意見↓↓↓↓
網民：其實婆婆係咪有重病
有網民則關心婆婆「點解大熱天時佢可以著咁多衫又帶帽…」、並指：「如果個阿婆搵搵下鞋中Ｘ咗落地你於心何忍？」、「或者人哋唔舒服想浪高隻腳得唔得呀？」、「Ｘ佢咪算囉 收埋對鞋好過份」。
對於有人指「大熱天時著到咁，都係精神有啲問題嘅人」，有網民回應指：
•「未必，重症病人，例如癌症，身體好弱，夏天出街都會怕凍，尤其冷氣，要戴帽著厚外套」、
•「阿婆著晒羽絨咁樣，其實佢係咪有重病？你留意吓阿婆後邊嗰個男人都係著短袖，條片應該都係夏天影。雖然睇條片係爽，阿婆係冇公德心，但如果佢真係有大病咁樣玩佢有dd過咗」、
•「會否對腳有事，見少人無人坐又有著襪啫，雖然唔好但可能佢對腳真係有事？」、
•「放腳上去係有問題！但有冇諗過大熱天時，佢仲著到咁，應該係病人，可能真係唔舒服呢」。
婆婆飛象過河及心急搵鞋逐格睇↓↓↓↓＋ 網民各有意見↓↓↓↓
