57歲李克勤與51歲前港姐冠軍太太盧淑儀，婚後育有大仔李立仁（Ryan）和細仔李力司（Rex），一家四口幸福美滿。李克勤近年專注於內地發展，不時出席綜藝節目，吸金能力超強，於本月24日就要到佛山開唱，不過身為英超球隊曼聯忠實粉絲的李克勤就不管時間緊迫，親身飛到西班牙畢爾包現場睇歐霸盃決賽，現場支持愛隊曼聯。曼聯最後以0:1不敵熱刺飲恨，有網民直指本季表現奇差的曼聯不配得到李克勤親身力撐，不過李克勤忠誠的表現，就令香港曼聯球迷肅然起敬。
李克勤無懼時間緊迫力撐曼聯
李克勤多年來對曼聯忠心不二，陪伴球隊經歷高低起伏，本季曼聯表現不濟跌落英超榜下游，不斷被自家球迷質疑，亦惹得憎恨紅魔鬼的粉絲恥笑，但李克勤仍然用行動支持愛隊。他昨日更新IG，上載了一張現身決賽球場的照片，戴上白色帽、身穿曼聯外套的他手持決賽版曼聯頸巾，笑容滿面信心十足，他於IG寫道「Go MU」（曼聯奮戰），愛曼聯之心表露無遺。
相關閱讀：57歲前港姐冠軍老公面部離奇發黑 曾被指斷崖式衰老 一個人養全家受傷趷腳都要做
李克勤飛西班牙支持愛隊：
香港曼聯專頁力讚李克勤
曼聯落敗後，有粉絲於其IG上留言「隊波唔值得你飛過去撐」，不過有香港曼聯專頁就以「作為曼聯球迷，我非常尊重李克勤」為題於網上寫長文力讚他：「尋晚場歐霸盃決賽，最終輸咗。網上一大班人馬上拎香港著名曼聯球迷李克勤先生出嚟抽水，甚麼「明知隊波咁屎就唔好飛過去睇，搞到依加俾人笑」。你真係覺得李克勤，同埋一班專情飛去畢爾包睇呢場波嘅球迷，會同你介意輸咗俾人笑？球隊贏嗰陣你又有冇多謝返佢地山長水遠去現場幫球隊打氣？「贏我陪你君臨天下；輸我陪你東山再起」呢一句，唔係贏就一齊Yeah，輸波就割蓆唔認隊波喎。」
江若琳老公身穿30年前曼聯波衫表忠
除了李克勤外，江若琳老公蕭唯展亦是曼聯超級粉絲，雖然他未有如李克勤般飛到西班牙撐愛隊，但他亦有現身由香港曼聯球迷會搞的睇波聚會，他於網上表示「尋晚夜媽媽，幾個男人唔係去黃色架步，係去紅色架步」、「未開波前嘅笑容好燦爛」。值得一提的是，蕭唯展是日穿上30年前的曼聯灰色作客球衣到場睇波，可見他的忠心程度。
相關閱讀：51歲前港姐冠軍偕夫與名媛聚會 凍齡美顏驚艷全場 氣質高雅少女感爆棚
盧淑儀昔日靚相：
