麥浚龍（Juno）執導的電影《風林火山》入選「第78屆康城電影節」的午夜放映單元，Juno率領有份主演的古天樂、高圓圓及梁家輝出席首映，而「最索經理人」林寶玉也感恩能跟一眾猛人走上今年的康城電影節紅地氈，感受開心過程。
身穿黑色DEEP V晚裝配上鑽飾的林寶玉，大晒42吋長腿及4吋深坑事業線，突顯了頸部及胸部的線條美，展現性感優雅魅力。對於首踏康城影展紅地氈，寶玉既驚且喜：「今次係獲國際媒體International Film Festival Channel嘅Sasha Waseem邀請出席，以前喺電視，康城影展紅地氈畫面就睇得多，諗唔到自己今年能夠參與，感恩遇上呢次機會。」雖然走上紅地氈時只有數分鐘，但事前準備十足，在服裝上各方面，不停與大會製作單位開會了解流程，尤其花功夫揀選合適戰衣出擊：「呢次真係感受到台上一分鐘，台下十年功感覺。」
冇放棄演員夢
林寶玉表示受寵若驚，因為今次康城影展遇到非常好的團隊，獲髮型及化妝師、攝影團隊、保安連同當地經理人全程照顧，事後亦與媒體經理人公司洽談合作，發展海外事業。被問到是否有機會打進荷里活拍電影？她卻說：「唔敢想，但有機會嘅話一定會好好珍惜機會。」她坦言在康城影展看到電影會特別感慨：「其實𠵱家為咗打理生意，將心中嘅演員夢放埋一邊，但夢想冇熄滅，會靜候出發時機。」
另外，此行她又能看到由意大利導演馬里奧·馬爾托內（Mario Martone）執導的電影《Fuori》，《Fuori》是一部具有深刻社會意義和情感共鳴的影片，主要探討了社會邊緣人和身份認同的主題，聚焦於一位年輕的同性戀者在社會的壓力下，努力尋找自我認同的過程，電影受到了觀眾和評論家的好評。
