一名「偷香」大叔在將軍澳橫行，日前被拍攝到在商場的扶手電梯上，緊隨一名女子身後，伸長條頸疑似正在「索髮」。嚇人舉動被網民猛烈批評，怒轟核突變態。更有街坊爆料，懷疑大叔是慣犯，曾目擊對方「企到好近女性背脊扮等過馬路」。詳情見下圖及下文：
「偷香」大叔將軍澳橫行 緊隨手機女伸長條頸「索髮」逐張睇↓↓↓↓
伸長頸鼻尖持續「索髮」
樓主本月14日晚上在facebook群組「將軍澳主場」上載一段長約10秒的短片，在帖文中詳述事件——「2025年5月14日下午5點15分，我在將軍澳新都城二期商場一樓通往街市的扶手電梯處，連續兩次目睹一名中年男子做出異常舉止」。
樓主形容「此人刻意伸長脖頸、前傾頭部，以鼻尖持續貼近前方女性髮後部位進行嗅聞。我當時即使用手機拍攝記錄該其中一次變態行為，他發現我進行拍攝後，就離開了」。
短片可見，事發時扶手電梯正往下行，穿拖鞋和短褲的大叔站正女子身後的上一級 ，正在疑似陶醉「索髮」。由於女事主埋首滑手機，似乎由始至終都無發現慘遭大叔「偷香」。樓主及後再上戴相片補充，形容大叔是「呢一個衰人！」。
相關閱讀：怪大叔公屋停車場隨地小便 特登咁樣做車主嬲到震 網民有更慘痛遭遇
網民嚇壞：好嘔心
短片嚇壞網民，有人驚呼「好驚呀」、「好嘔心」、「Wa（嘩）……嚇死人」、「好恐怖呀」。網民並奇怪「頭油有咩好聞？」。另有人實在看不過眼，狂轟「偷香」大叔「好變態」、「咸濕佬！」、「死變態佬！」、「咸濕阿伯嚟喎！」、「條Ｘ街阿叔好變態」。有人形容情況「核突！」，並建議「報警！」、「請片主攞條片去報警」。
在回應網民的「索一索，舒筋活樂， 聞一聞，醒腦提神」留言時，樓主指「大家女生要認住佢個樣，唔好俾佢揩油啊！呢個衰人名副其實喺度『索油』！」；有人則形容情況是「未有竊肉，不過有偷香」。
相關閱讀：港鐵「女色狼」第一視角自拍鹹豬手 網民狂轟變態揭疑似真相
街坊：企近女性背脊扮等過馬路
有街坊爆料稱「遇過佢，佢仲會喺十字路口前企到好近女性背脊扮等過馬路」。於是有網民指出「一定住附近啦，好易找到佢」。有人建議「可以的話，幫口喝止個變態佬」、「如果不是第一次，我建議大家出手阻止」、「如果唔係第一次見到個阿叔可疑，不如下次一係即刻喝住個阿叔，一係即刻叫個女仔行開啲啦」。
有人則奇怪「偷香」大叔「行得咁近，個女仔都無反應」、「幾乎貼住佢個身竟然無感覺」。有回應的網民指「如果冇掂到，唔發覺唔出奇喎」、「掛住睇電話都冇感覺，真係唔抵幫」。
相關閱讀：曖昧對象約睇戲 男方全程做一離奇舉動 女網民：係咪變態？
網民忠告：唔好掛住睇手機
有人接著忠告「所以喺街上，幾時都好千祈唔好掛住睇手機」、「真係唔好掛住睇電話，唔好俾電話控制你」、「對！邊行邊睇，又容易發生意外，在街上請各位專心行路」、「奉勸各位，唔好一邊行一邊睇電話，拜托要留意身邊事物！」。
有細心的網民更加留意到，短片中坐於食肆的「呢位男士好似都影緊佢」。還有人笑言「以為見到鬼」、「其實會唔會唔係人嚟㗎？」、「以為咁快（農曆）7月（鬼節）」、「會唔會係舐叉燒啲fd（朋友）丫？但係7月又未到喎！」。
資料來源：Jenny Hung＠facebook
相關閱讀：猥瑣變態男肆虐 偷襲美女屁股狂「索」 後續更狂↓↓↓↓
網絡2023年曾瘋傳一段天眼影片，有猥瑣變態男出沒肆虐，尾隨女子進入大廈後，伺機偷偷哄近女子屁股，狂索「西香」，變態男有恃無恐，在多次得手後，天眼拍下他後續更狂舉動。
影片全長約29秒，至於發生地點則眾說紛紜，有指影片在內地發生，但亦有傳事發地點在星馬國家，但始終未能確定，影片中猥瑣男及被性騷擾女子均為亞裔人士↓↓↓↓
