曾智華
的士商（炒家？）又再哀鳴，指政府對網約車平台規管不作為，導致的士牌價一再下插，已由十年前最高峰的723萬元，跌至近日240萬元，令持有的士牌的投資者，不少血本無歸（炒\u71f6\u5497！）。
上述的講法通唔通？大眾自有不同判斷。好過癮，前朝茶記隔鄰就有班師奶，突然學者上身，引用經濟學原則討論的士問題。
A師奶：「班的士商大喊十，看似值得同情，但回心一諗，當日的士牌價炒到飛起時，班友肥到\u7740唔到襪，有冇分返多少畀庫房，又或捐點暴利去做善事呢？為乜牌價一跌，就要求政府介入自由市場咁荒謬呢？」
B師奶：「唔好蝦我\u54cb女人仔，一樣有試過投資。的士牌係投資，買樓買股票買黃金都係投資，當然有升有跌。的士牌跌完全冇令市民生計受影響，一如股票跌、黃金跌，甚至樓價跌，政府應該橫手作出干預嗎？」
C師奶：「網約車由出現到大盛，主要原因正是的士業唔爭氣，行內烏煙瘴氣，炒家賺盡令司機冇啖好食，搞到服務差劣，畀晒大空檔別人上位！」
事實，小弟已多時冇站街頭截的士了，費事成肚氣。出門口前，篤篤篤，好快車已在樓下。前晚又坐網約的士，一時匆忙，手機漏\u5497在車廂內，認真弊傢伙。有如不少人呻：「手機似條命，冇佢真似\u651e命！」
幸而我坐網約車，未驚過，因上車下車坐邊架車，由時間到車牌，全有紀錄，一查就知，知就即可追蹤。
今次更遇上個好司機，收工後先交車，再坐小巴由沙田出九龍搵我，物歸原主。更過癮：「曾先生，我細細個就聽你電台節目\u35ce喇！」
事後老友個個八我畀\u5497多少「車馬費」？答曰：「比公價多\u5572\u5572，救命錢呀！」
