將軍澳一名黑衣男子懷疑趁街市收檔四周無人時順手牽羊，回頭拿走菜檔一條3個裝的蒜頭，大模斯樣地離去，但一舉一動已被閉路電視拍下。詳情見下圖及下文：
將軍澳黑衣男疑趁街市收檔偷蒜頭逐張睇↓↓↓↓
相關閱讀：大膽野鴿闖富山邨街市偷食芽菜？ 網民眼冤：周圍都有人餵野鳥
黑衣男轉身回頭察看
樓主日前在facebook群組「將軍澳主場」以「光天化日之下，一樣米，養百樣人，入街市偷蒜頭，已交警方處理⋯⋯」為題發帖，上載一段長約13秒的天眼短片，短片左上角的時間顯示為4月26日晚上8時04分。
由於已入夜，街市的檔口大都已收檔，短片見到場內無人，只有黑衣男一人在大搖大擺行過。片中人左臂夾著兩瓶樽裝飲品，褲袋後面也插有一樽。
涉事菜檔雖然懷疑已經收檔，但桌上仍然放有少量貨品，包括數條3個裝的蒜頭、一個大冬瓜、和零星幾盤瓜果。從短片中見到，黑衣男大步行經菜檔時，好像突然見到，或突然想起甚麼似的，轉身回頭察看，竟便伸出右手拿走最近身的一條3個裝蒜頭，之後公然拿著蒜頭大步離開。
相關閱讀：趁燒冥鏹時落手 荃灣拜山燒肉祭品疑被偷 網民因一理由指係好事
樓主：4份蒜頭，少一份
有網民認出現場可能是寶琳街市。據樓主回應網民留言時透露，這條3個裝蒜頭價值7元，被問及「檔主，請問點樣發現蒜頭少咗？」，樓主表明發現到蛛絲馬跡，清楚地回答「4份蒜頭，少一份」。
樓主並坦言「好心，攞，放低幾蚊都好啊，人哋都唔會怪佢啦」；「如果係老人家，都可以理解，但咁後生」，並指「如果急用，可以理解，第二日落去找數咯」。
有網民直指「一個賊都不可以放過！」、「貪係人天性，人性正如此」，並笑言黑衣男「眼光太短淺喇，佢錯失咗後面個冬瓜」。有人則估計男衣男此舉可能是用作「江湖救急」、「係咪借你嚿蒜頭返去辟邪」、「可能借你嚿蒜頭去驅鬼」。對於有網民感慨「呢個人窮到咁」，樓主估計「窮就唔係窮，係順手」。
相關閱讀：旺角墨鏡大媽偷竊斷正發狂暴走 女店員碌地熊抱 圍觀者舉動惹公憤↓↓↓↓
網絡年前瘋傳影片，一名戴墨鏡大媽在旺角一間時裝店偷竊，當場斷正竟發狂掙扎暴走，女店員死命熊抱，雙方由店內糾纏至街頭，情況混亂，此時圍觀者的舉動引發網民熱議↓↓↓↓
