在TVB處境劇《愛．回家之開心速遞》自從2017年開播至今，已經播了超過2400集，有份參與的演員眾多，不少演員憑角色成功入屋，而且更被發現原來周身刀，張張利，其中一人是飾演「接龍」行政部主管的「劉德華Andy」的崔錦棠，原來他本身運動健將，曾代表香港參加田徑、足球及三項鐵人賽，為港爭光！
崔錦棠兒子罕有現身星味濃
本身育有兩子的崔錦棠，他曾表示經常練跑或參與國際賽事，目的是希望成為兩個兒子的榜樣， 日前崔錦棠在IG貼上與兒子的合照並說：「能夠陪阿仔跑佢人生第一個10k，呢個老爸真興奮！#好好建立你的人生#沒有奇蹟只有累積#幫我記錄呢個難忘時刻。」難得與兒子有共同興趣，身為爸爸的崔錦棠當然開心，細看之下，崔錦棠的兒子罕有現身，但原來與爸爸十足餅印，星味比爸爸還要濃！
相關閱讀：《愛回家》「賤男」北上做老闆好富貴 魚翅撈飯當高級碗仔翅 帶挈兄弟搞生意
崔錦棠「餅印仔」罕有現身：
在《愛·回家之開心速遞》上，飾演「Andy劉德華」的崔錦棠早期經常與「Peter」杜大偉及「Ivan」鄧永健以「接龍花生友」出現，三人的搞笑行為，令劇集生色不少。55歲的崔錦棠因天生右耳缺陷，小時侯憑著足球、跑步、游水等運動建立自信，其後成為香港三項鐵人代表隊成員及教練，退役後曾先後在有線及TVB擔任體育編輯和旁述工作，想不到在4、50歲，因TVB架構重整而轉型成為演員。崔錦棠在入行第一套劇集《實習天使》，不過拍完之後投閒置散，演出機會不多，直到接到《愛回家之開心速遞》成功入屋。
崔錦棠曾表示一出世就冇咗隻耳仔
對於右耳的缺陷，崔錦棠曾表示一出世就冇咗隻耳仔，小時候經常被同學取笑：「當年我堅持唔剪頭髮，遮住佢，點知校長話『邊個笑你，叫佢嚟校長室！』，咁當然冇用，一定會笑，後來我因為唔剪頭髮遭記過！」他續稱天生缺陷甚少得到女生的歡心，「工作上也會遇到阻礙，當時做體育直播，耳機一邊收聽香港直播廠，另一邊係現場導演，因為我一邊聽唔到，真係冇辦法，唯有將音量調較到最大聲，希望用左邊耳仔聽埋。」
相關閱讀：《愛回家》演員臥虎藏龍！有人係三項鐵人港隊代表 食屎陳師奶係老師！
《愛回家》有幾咁卧虎藏龍：
崔錦棠入行早期刻意留長頭髮遮右耳
崔錦棠入行後，他曾刻意留長頭髮去遮，直至《天命》時收到指令要剃頭，不得不向監製坦白，「我話剃頭唔係問題，不過我隻耳仔係咁樣，導演就話冇問題照去，係自己第一次坦蕩蕩見人。其實都幾難受呀，因為有時右邊影大頭好覺眼，睇完網民留言，明知佢哋冇惡意，但個心難免唔舒服。」
