曾參與電影《假冒女團》和《夜校》的20歲陳伊霖（Eelyn），最近推出首支單曲《單戀勿語》做埋樂壇新人。新歌講單戀，Eelyn小學時已人細鬼大暗戀男同學，更笑着自爆拍拖對象全部其貌不揚，「我媽咪成日話『你啲男朋友咁醜樣嘅』哈哈！」採訪：杜杜 攝影：Stanley 髮型:matchtonghair@privateisalon 化妝:mr.kingyip 服裝:i.t_too 場地:haneulkbeauty
浸大畢業的 Eelyn，2021年拍《假冒女團》出道，其實她自小學音樂，識彈鋼琴、小提琴和結他，更懂作曲及編曲，多年來經常參與校內演出及聯校音樂會，不過最初公司提議她做歌手竟遭她拒絕，「我唔覺自己唱歌特別好聽，對自己好冇信心，驚俾人擺落難聽歌手俱樂部。」不過經家人和朋友鼓勵，終肯接受挑戰，「佢哋話有咁好機會梗係即刻衝啦！我就決定搏一搏，唔想將來後悔。」
15歲初戀
對於單戀，Eelyn早在小六已有經驗，對象是隔籬位同學仔，「佢雖然其貌不揚，但品學兼優，學霸之餘，仲係學校樂團首席小提琴，我欣賞才華多啲。」單戀1年感情未有升溫，反而被對方影響，「佢唔開心，我會主動安慰佢，學校旅行又問佢想唔想一組，但佢太專心學業同小提琴，所以冇進展，我仲因為佢拉小提琴好有魅力，學緊鋼琴都改去學小提琴，係咪好想嘔呢？！哈哈！」15歲跟大6年男仔初戀、先後拍過3次拖的她，坦認每次都被男方才華吸引多於外形，「我鍾意有幽默感同有才華嘅男仔，外形一向唔係我擇偶考慮條件，我媽咪成日話『你啲男朋友咁醜樣嘅』哈哈！」
成為雙棲藝人的Eelyn，視前輩鄭秀文（Sammi）為努力目標，「目標定高啲好啲，我好崇拜鄭秀文前輩，佢兩方面都做得好出色，佢嘅歌好多唔同種類，唱得好有感情，演戲唔同角色亦handle得到，真正嘅全能藝人。」
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》新網站有更多精彩內容：http://www.stheadline.com/
