麥玲玲曾於內地風水節目批女藝人鄭爽有桃花劫,鄭爽近日捲入代母棄養醜聞。提到再次「神預測」,麥玲玲提到節目中亦有提到黃曉明跟楊穎(Angelababy)生肖同屬蛇,蛇會互咬,年初Baby突稱呼丈夫為「黃先生」,惹來婚變傳聞,她語重心長表示他們的婚姻需要艱苦經營。問到娛樂圈運情?她說:「來年會好一啲,電影會多返啲合作,藝人亦會北上發展。我認為今年已經好谷底,會谷底反彈。」

至於有網民發掘麥玲玲年輕時照片,除了童顏,38G嬌人身材亦是焦點。她笑說:「我問老公係唔係佢做,做話無。唔緊要啦,大家開心就好!(38G喎!)我細個都係微胖,咁身形係圓潤啲。到大啲先發現,其他人同我講嘢唔係望我係望心口先知道咩事。」