《全民造星III》現正播映第一輪分組賽對決,而昨日就是由A3組決戰B1組。B1組5位成員外型及實力都不俗,賽前一直被視為大熱,而成員之一的Timo(江宏基)更因有份拍攝節目冠名贊助的廣告而被睇高一線!點知B1組卻因溝通不足而產生矛盾,而Timo亦嬲到在暗票環節將手上一票投給引起組內矛盾的成員Kiki(張凱娸),兼向其他組別的參賽者大呻Kiki如何人前人後兩個樣。Timo表演RAP時失準忘詞,又被節目評判、音樂監製徐浩指出他未做到RAP應有的感覺,加上在解決組內紛爭上有啲衝動,令不少網民經過上一集之後都忍唔住「負皮」他。但其實Timo都係份人比較直率同埋不吐不快啫。點解咁講?睇吓佢接受《頭條娛樂》快問快答挑戰,要在5秒內答出3個答案時幾咁牙尖嘴利!想知Timo嘅女神係邊個?想知Timo最後悔做過邊件事?同埋佢喺《造星III》嘅假想敵係邊個?即刻睇片。