擁半億身家,家住廣播道相連豪宅的森美近年勁多嗜好,跟老婆Veronica學騎馬後,又迷上古董電單車,兩年內已添置四部電單車,得閒就同一班車友如張繼聰去兜風,森美話「全部都係老婆放水先有得買㗎。」以為森美就咁收手?呢期佢又跟隊去參加帆船比賽,仲好有感覺咁話,「看到captain和crew合作的專業,看到人和大自然的角力。」玩開陸地突然轉玩海,尋晚就走去釣魚,仲釣到好多大大條嘅細鱗,佢好開心,「點解我有條咁大嘅魚?你諗下邊個帶我去釣魚先得㗎。」原來有釣魚達人帶佢去釣魚,今晚有食神喎。