今日是吳千語27歲生日,昨晚蔡卓妍(阿Sa)、周秀娜、曾樂彤及馬天佑等好友提早為她搞Party慶祝。好友阿Sa在IG貼出與壽星女的合照,並留言寫道:「呢個人今日牛一,Happy birthday!」hashtag係#dresscodeparty#emilyinparis#見係你咋#好悉心打扮㗎 ,明顯可見穿上格仔短裙又戴上畫家帽,悉心打扮嘅兩位扮緊熱爆美劇《Emily in Paris》中嘅Emily嘅造型。重點係吳千語拿著大花束同阿Sa貼住影合照,37歲的阿Sa依然保持一副童顏少女樣,完全睇唔出她大吳千語10年。不過睇勻所有賓客Post出嚟嘅相都未見千語緋聞男友施伯雄的身影,咁留返正日同男友過都好正常嘅。