因為今年係英國殿堂級披頭四樂隊(TheBeatles)已故成員約翰連儂(John Lennon)的80歲冥壽,其87歲遺孀小野洋子喺東京搞咗個展覽《DOUBLE FANTASY – John & Yoko 東京展》,將有關兩人的大量珍品展出。

展覽以小野洋子及約翰連儂的童年為起點,然後兩人於1966年在倫敦獨立藝廊 Indica Gallery初遇,到1969年結婚,以及之後生活的點滴,全都以時間序列呈現。公開的珍品包括約翰所寫下的《 Imagine》 歌詞手稿及約翰因反越戰的和平活動,而遭美國政府拒絕移民,最後纏訟數年終於取得的綠卡等等。值得注意的是,過去《DOUBLE FANTASY – John & Yoko》曾經在約翰的故鄉利物浦展出,今次在日本舉行,主辦單位獨家展出了約翰當年學習日文的速寫本,他以羅馬字母拼出日文加配插圖幫助自己理解及學習,非常有趣。組成24年的日本長青女子組合Puffy亦有去參觀展覽,原來兩位成員 Ami及Yumi都係披頭四Fans所以睇展覽睇得好開心,仲話「展覽有好多手寫嘅東西,而且展覽嘅細節做得好好,所以睇得好開心,有時間就嚟睇啦。」兩人都影低好多展品留念,如約翰的結他及着過嘅Tee等。