出名傻更更的姜濤現正在台灣拍劇,去台灣前姜B接受《頭條日報》訪問,除咗話自己係橋王,仲Sales佬上身,招積Hard Sell自己有大把橋,大家要idea可以隨時搵佢,「無論你有高budget定低budget,都可以因應狀況調整。」報道一出一眾「姜糖」瘋狂讚好,其實訪問片有漏網之魚,就係姜B分享身形煩惱同最擅長的「食好西」。

片中姜B得意可愛動態令現場一眾姐姐級工作人員不斷甜甜笑,雖然「姜糖」們要等一段時間先見到真人,不過呢條訪問片加埋姜B嘅ig,輪流loop時間好快就過啦。

製作:何蔓琪